பருத்திப்பட்டு ஏரி

பருத்திப்பட்டு ஏரி (Paruthipattu Lake) இந்தியாவின் தமிழ்நாடு மாநிலத்தில் உள்ள சென்னையில் உள்ள ஓர் ஏரியாகும். இது சென்னையின் ஆவடி வட்டாரத்தின் பருத்திப்பட்டு ஊரில் அமைந்துள்ளது.சேத்துப்பட்டு ஏரிக்குப் பிறகு நகரத்தின் இரண்டாவது சுற்றுச்சூழல் பூங்கா இதுவாகும்.^[2] 87.06 ஏக்கர் பரப்பளவில் விரிந்துள்ள பருத்திப்பட்டு ஏரி பொதுப்பணித்துறையின் கட்டுப்பாட்டில் உள்ளது.^{[3] [4][5]}

பருத்திப்பட்டு ஏரி Paruthipattu lake
பருத்திப்பட்டு ஏரி Paruthipattu lake
அமைவிடம்	ஆவடி, சென்னை, இந்தியா
ஆள்கூறுகள்	13.108°N 80.105°E / 13.108; 80.105
வகை	குளம்
வடிநில நாடுகள்	இந்தியா
மேற்பரப்பளவு	22 எக்டேர்கள் (54 ஏக்கர்கள்)[1]
சராசரி ஆழம்	12 அடி (3.7 m)
குடியேற்றங்கள்	சென்னை

வரலாறு

பருத்திப்பட்டு ஏரி நீண்ட காலமாக மேற்கு புறநகர் பகுதிகளில் புறக்கணிக்கப்பட்ட நீர்நிலைகளில் ஒன்றாக இருந்தது. 2018 ஆம் ஆண்டில், நீர்வளத் துறையானது ₹ 280 மில்லியன் செலவில் ஏரியை மீட்டு, சுற்றுச்சூழல் சுற்றுலாத் தளமாக ஏரியை மேம்படுத்தியது. 2019 ஆம் ஆண்டு சூன் மாதம் 21 அன்று ஏரி சூழல்-பூங்கா பொதுமக்களுக்காக திறந்து வைக்கப்பட்டது. ^[6] புனரமைப்புக்காக இத்திட்டம் சுமார் 500 நபர்களை இடமாற்றம் செய்தது. ^[7]

ஏரி

கூவம் ஆற்றின் மாசுபடாத பகுதியிலிருந்து வரும் உபரி நீரால் இந்த ஏரிக்கு நீர் கிடைக்கிறது. ^[1] பருத்திப்பட்டு ஏரியானது ஆதிபராசக்தி நகர் மற்றும் கோவர்த்தனகிரி போன்ற அண்டை பகுதிகளில் நிலத்தடி நீரை மேம்படுத்த ஆதாரமாக உள்ளது. ^[8] ஏரியின் சராசரி ஆழம் 12 அடியாகும். ^[7]

ஏரியைச் சுற்றியுள்ள சுற்றுச்சூழல் பூங்காவில் 3 கிமீ நீள நடைபாதை, குழந்தைகள் விளையாடும் இடம், புத்துணர்வூட்டும் தொகுதி, பொது மக்கள் கூடும் மைய பிளாசா, மூன்று தரையிறங்கும் பகுதிகளைக் கொண்ட படகு தளம்,^[9] பறவைகள் கூடு கட்ட இரண்டு தீவுகள், திறந்தவெளி அரங்கம் ஆகியவை உள்ளன. இவை தவிர நிர்வாக அலுவலக கட்டிடம் மற்றும் வாகன நிறுத்துமிடம். ^{[1] [8]} போன்றவையும் அமைக்கப்பட்டுள்ளன. ஏரியைச் சுற்றி சுமார் 35 வகையான செடிகள் நடப்பட்டுள்ளன.

ஆவடி நகராட்சியில் இருந்து வெளியேறும் கழிவுநீரை சுத்திகரிக்க ₹ 350 மில்லியன் செலவில் கழிவுநீர் சுத்திகரிப்பு நிலையம் கட்டப்பட்டுள்ளது. இந்த வசதி 10 மில்லியன் லிட்டர் மறுசுழற்சி செய்யப்பட்ட நீரை ஏரிக்கு அனுப்பும். தவிர தொழிற்சாலை பயன்பாட்டிற்கு இதற்குச் சமமான தண்ணீரை விற்கவும் செய்கிறது. ^[7]

இதையும் காண்க

• சேத்துப்பட்டு ஏரி