பெருங்குடி, திருச்சிராப்பள்ளி

பெருங்குடி என்பது இந்தியாவின், தமிழ்நாட்டின், திருச்சிராப்பள்ளி மாவட்டத்தின், ஆண்டநல்லூர் வட்டத்துக்கு உட்பட்ட, உள்ள ஒரு சிற்றூராகும். மல்லியம்பத்து ஊராட்சிக்கு உட்பட்ட இந்த ஊர் திருச்சிராப்பள்ளியிலிருந்து, வயலூர் செல்லும் வழியில் 7 கிலோமீட்டர் தொலைவிலும், ஆண்டநல்லூரிலிருந்து 9 கிலோமீட்டர் தொலைவில், சோமரசம் பேட்டைக்கு அருகில் அமைந்துள்ளது.

பெருங்குடி
சிற்றூர்
பெருங்குடி தமிழ்நாட்டில் அமைவிடம்
ஆள்கூறுகள்: 10.823648°N 78.63739°E / 10.823648; 78.63739
நாடு	இந்தியா
மாநிலம்	தமிழ்நாடு
மாவட்டம்	திருச்சிராப்பள்ளி
ஏற்றம்	77 m (253 ft)
மொழிகள்
• அதிகாரப்பூர்வமாக	தமிழ்
நேர வலயம்	ஒசநே+5:30 (இந்திய சீர் நேரம்)

வரலாறு

சோழர் காலக் கல்வெட்டுகளில் இந்த ஊரானது பெருமுடி, திருப்பெருமுடி என்று அழைக்கப்பட்டுள்ளது. அது இப்போது மருவி பெருங்குடி என்று அழைக்கப்படுகிறது. கல்வெட்டுகளில் இந்த ஊரில் உள்ள சிவன் பெருமுடி பரமேசுவரனார் என்று அழைக்கப்படுகிறார்.^[1] 13 ஆம் நூற்றாண்டில் போசள மன்னன் வீர இராமநாதன் ஆட்சிக் காலத்தில் பெருங்குடியானது ஜகதேகவீரச் சதுர்வேதி மங்கலம் என்று அழைக்கப்பட்டது. அவன் காலக் கல்வெட்டுகளால் அறியப்படுகிறது.^[2]

போக்குவரத்து

திருச்சிராப்பள்ளி கோட்டை தொடருந்து நிலையமும், திருச்சிராப்பள்ளி தொடருந்து நிலையமும் அருகிலேயே உள்ளன.

கல்வி

• காவேரி பொறியியல் மற்றும் தொழில்நுட்பக் கல்லூரி
• காமாட்சி பலதொழிநுட்பக் கல்லூரி

பெருங்குடிக்கு அருகே உள்ள பள்ளிகள்

• பாரதி உயர்நிலைப்பள்ளி
• எஸ். எஸ். எம். எஸ்., அரும்புகழ் நகர்
• புனித கேப்ரியல்ஸ் எம். எஸ்.
• ஜி. எச். எஸ்., திருச்செந்துறை

கோயில்

இந்த ஊரில் சோழர் காலத்தில் கட்டபட்ட பழமையான அகத்தீசுவரம் கோயில் என்னும் சிவன் கோயில் உள்ளது.