அண்ணா நகர்
சென்னையிலுள்ள ஒரு புறநகர்ப் பகுதி / From Wikipedia, the free encyclopedia
அண்ணா நகர் (Anna Nagar, முன்பு நடுவாங்கரை என்று அழைக்கப்பட்டது),[3] இந்தியாவின், தமிழ்நாட்டின், சென்னையின் புறநகர்ப் பகுதிகளுள் ஒன்றாகும். இது சென்னையின் வடமேற்கு பகுதியில் அமைந்துள்ளது மற்றும் அமைந்தகரை வட்டத்திற்கு உட்பட்டது. இது சென்னையில் உள்ள பிரதான குடியிருப்பு பகுதிகளில் ஒன்றாகும், மேலும் இங்கு பிரபலமான மருத்துவர்கள், வழக்கறிஞர்கள் மற்றும் அரசியல்வாதிகள் வசிக்கின்றனர். இங்கு விற்கப்படும் இடங்களின் விலைகள், நகரத்தில் மிக உயர்ந்தவை ஆகும்.
அண்ணா நகர்
அண்ணா நகர் என்ற நடுவாங்கரை | |
---|---|
ஆள்கூறுகள்: 13.085000°N 80.210100°E / 13.085000; 80.210100 | |
நாடு | இந்தியா |
மாநிலம் | தமிழ்நாடு |
மாவட்டம் | சென்னை |
புறநகர் | சென்னை |
வார்டு | 100-120 |
பெயர்ச்சூட்டு | அறிஞர் அண்ணா |
அரசு | |
• ஆளுநர் | ஆர். என். ரவி[1] |
• முதலமைச்சர் | மு. க. ஸ்டாலின்[2] |
• மாவட்ட ஆட்சியர் | மருத்துவர். ஜெ. விஜய ராணி, இ. ஆ. ப |
பரப்பளவு | |
• மொத்தம் | 5 km2 (2 sq mi) |
ஏற்றம் | 33 m (108 ft) |
மொழிகள் | |
• அலுவல் | தமிழ் |
நேர வலயம் | ஒசநே+5:30 (இ.சீ.நே.) |
அஞ்சல் குறியீட்டு எண் | 600 040 |
வாகனப் பதிவு | TN 02 (சென்னை வட மேற்கு) |
மக்களவைத் தொகுதி | மத்திய சென்னை |
சட்டமன்றத் தொகுதி | அண்ணா நகர் |
மேற்கு உலகில் பின்பற்றப்பட்ட ஒரு நிலையான முகவரி முறையைப் பின்பற்றிய சென்னையில் முதல் மற்றும் ஒரே நகரம் அண்ணா நகர் ஆகும். உலக வர்த்தக கண்காட்சியின் ஒரு பகுதியாக 1968-ஆம் ஆண்டில் கட்டப்பட்ட அண்ணா நகரின் முக்கிய அடையாளங்களில் ஒன்று அண்ணா நகர் கோபுரம் ஆகும். மற்ற முக்கியமான இடங்களில் அண்ணா வளைவு, சிந்தாமணி, ப்ளூ ஸ்டார், சாந்தி காலனி, திருமங்கலம் சந்திப்பு, பாடி சந்திப்பு, அண்ணா நகர் கிழக்கு, மற்றும் அண்ணா நகர் மேற்கு பேருந்து பணிமனை ஆகியவை அடங்கும்.
அண்ணா நகரில் வணிக/வர்த்தக நிறுவனங்களும், கடைகளும், பள்ளிக்கூடங்களும், குடியிருப்புப் பகுதிகளும் மற்றும் ஏராளமான உணவகங்களும் உள்ளன. 2-ஆவது அவென்யூ அண்ணா நகரில் உள்ள ஒரு முக்கிய சாலையாகும், இதில் பல உணவகங்கள் மற்றும் கடைகளுக்கான மையமாக உருவெடுத்துள்ளது.