ஆசுத்திரோனீசிய மக்கள்
இனக்குழு / From Wikipedia, the free encyclopedia
ஆசுத்திரோனீசிய மக்கள் (Austronesian peoples) என்போர், தென்கிழக்கு ஆசியா, ஓசானியா, கிழக்கு ஆப்பிரிக்கா போன்ற பகுதிகளில் வாழ்பவர்களும், ஆசுத்திரனீசியப் பெருங் குடும்ப மொழிகளில் ஒன்றைப் பேசுபவர்களுமான மக்கள் ஆவர். தாய்வான் மூத்த குடிகள்; பிலிப்பைன்சு, கிழக்குத் திமோர், இந்தோனீசியா, மலேசியா, புரூணி, கோக்கோசுத் தீவுகள், மடகாசுக்கர், மைக்குரோனீசியா, பொலினீசியா ஆகிய இடங்களில் உள்ள பெரும்பாலானோருடன் சிங்கப்பூரில் வாழும் மலே மக்கள், நியூசிலாந்து அவாய் ஆகிய இடங்களில் வாழும் பொலினீசிய மக்கள், மெலனீசியாவில் வாழும் பப்புவர் அல்லாத மக்கள் ஆகியோரும் இக்குழுவில் அடங்குகின்றனர். இவர்கள், தென் தாய்லாந்தின் சில பகுதிகளிலும்; வியட்நாம், கம்போடியா ஆகிய நாடுகளின் சாம் பகுதியிலும்; சீனாவின் ஐனான் தீவு மாகாணத்திலும், இலங்கையின் சில பகுதிகளிலும், தெற்கு மியன்மார், தென்னாப்பிரிக்காவின் தெற்கு முனை, சுரினாம், சில அந்தமான் தீவுகள் ஆகிய பகுதிகளிலும் காணப்படுகின்றனர். இவற்றை விடப் புலம்பெயர் ஆசித்திரோனீசிய மக்களை ஐக்கிய அமெரிக்கா, கனடா, ஆசுத்திரேலியா, ஐக்கிய இராச்சியம், நெதர்லாந்து, இசுப்பெயின், போர்த்துக்கல், ஆங்காங், மாக்கூ ஆகிய நாடுகளிலும், மேற்காசியாவிலும் காண முடியும். மாலைதீவு மக்களும், மாலாயத் தீவுக்கூட்டத்தின் ஊடாகப் பெற்றுக்கொண்ட ஆசுத்திரோனீசிய மரபணுச் சுவடுகளைக் கொண்டுள்ளனர்.[14] ஆசுத்திரோனீசிய மக்களைப் பெருமளவில் கொண்ட நாடுகளையும், பகுதிகளையும் ஒருங்கு சேர ஆசுத்திரோனீசியா என அழைக்கின்றனர்.
ரொட்ரிகோ டுட்டேர்ட்டே | |
மொத்த மக்கள்தொகை | |
---|---|
அண். 400 மில்லியன் | |
குறிப்பிடத்தக்க மக்கள்தொகை கொண்ட பகுதிகள் | |
| |
மொழி(கள்) | |
ஆசுத்திரோனீசிய மொழிகள் | |
சமயங்கள் | |
விலங்கு வணக்கம், பாலி இந்துசமயம், பௌத்தம், கிறித்தவம், நாட்டார் மதம், இந்து சமயம், உள்ளூர் மதம், இசுலாம், சமனியம் |