ஊகான்
From Wikipedia, the free encyclopedia
ஊகான் (Wuhan, [ù.xân] (கேட்கⓘ)) என்பது சீனாவில் அமைந்துள்ள ஒரு நகரமாகும். இது சீன மக்கள் குடியரசுவில் உள்ள ஹுபேய் மாகாணத்தின் தலைநகரமும் ஆகும்.[4] ஊகான் மத்திய சீனாவில் அதிக மக்கள் தொகையைக் கொண்ட பிரதான நகரங்களில் ஒன்றாகும்.[5] யாங்சி ஆற்றுத் தடத்தின் மத்திமப்பகுதியில் யாங்சியும் ஹான் ஆறும் குறுக்கிடும் இடத்தில் ஜியான்கான் சமவெளியின் கிழக்கில் அமைந்துள்ளது. வுசாங், ஹனோகு, ஹான்யங் ஆகிய மூன்று நகரங்களின் ஒன்றிணைப்பால் உருவானதால் ஊகான் சீனாவின் பொதுச்சாலை எனக் குறிப்பிடப்படுகிறது.[6] மற்ற முதன்மை நகரங்களுடன் இணைக்கும் பல தொடர்வண்டித் தடங்கள், சாலைகள், விரைவுச் சாலைகள் இந்நகரின் வழியாகச் செல்வதால் இது போக்குவரத்து மையமாகவும் விளங்குகின்றது. உள்நாட்டுப் போக்குவரத்தில் இந்த நகருக்கான முதன்மையான பங்கினைக் கொண்டு சில நேரங்களில் இது "சீனாவின் சிகாகோ" என வெளிநாட்டு ஊடகங்களால் அழைக்கப்படுகின்றது.[7][8][9]
ஊகான்
武汉市 | |
---|---|
துணை மாகாண நகரம் | |
குபெய்யில் அமைவிடம் | |
நாடு | சீன மக்கள் குடியரசு |
மாகாணம் | ஊபேய் |
மாவட்ட மட்ட கோட்டங்கள் | 13 |
சிறு நகரக் கோட்டங்கள் | 153 |
குடியிருப்பு | கிமு 1500 |
பரப்பளவு | |
• மொத்தம் | 8,494.41 km2 (3,279.71 sq mi) |
ஏற்றம் | 37 m (121 ft) |
மக்கள்தொகை (2013)[2] | |
• மொத்தம் | 1,02,20,000 |
• அடர்த்தி | 1,200/km2 (3,100/sq mi) |
2013 | |
நேர வலயம் | ஒசநே+8 (சீன நேரம்) |
அஞ்சல் குறி | 430000–430400 |
Area code | 0027 |
GDP[3] | 2014 |
- மொத்தம் | ரென்மின்பி 1.01 திரில்லியன் USD 161 பில்லியன் (8-வது) |
- தலைக்கு | CNY 98,527 USD 15,764 (11-வது) |
- வளர்ச்சி | 9.7% |
License plate prefixes | 鄂A 鄂O (police and authorities) |
இணையதளம் | www |
மாவட்ட தகுதி பெற்றுள்ள[10] ஊகான் போக்குவரத்தைத் தவிரவும் அரசியல், பொருளாதார,நிதிய,பண்பாட்டு,கல்வித் தளங்களில் மத்திய சீனாவின் முதன்மை மையமாக கருதப்படுகிறது.[5] 1927இல் குவோமின்டாங்கின் இடதுசாரிப் பிரிவின் வாங் ஜிங்வே தலைமையில் அமைந்த அரசின் கீழ் சீனா இருந்த சில காலத்திற்கு அதன் தலைநகரமாக ஊகான் இருந்தது.[11] பின்னர் 1937இல் சீனாவின் போர்க்காலத் தலைநகரமாகவும் இருந்துள்ளது.[12][13]
ஊகான் உடற்பயிற்சிக் களரி 2011க்கான ஆசிய கூடைப்பந்தாட்டப் போட்டிகளை நடத்தியுள்ளது. 2019இல் நடைபெறவுள்ள கூடைப்பந்தாட்ட உலகக் கோப்பைப் போட்டிகளின் நிகழிடங்களில் இதுவும் ஒன்றாகும்.[14]