கீவ்
From Wikipedia, the free encyclopedia
கீவ் (ஆங்கில மொழி: Kiev or Kyiv; உக்ரைனியன்: Київ; உருசியம்: Ки́ев, கீயெவ்) உக்ரைன் நாட்டின், தலைநகர் மற்றும் அதிக மக்கள் தொகை கொண்ட மாநகர். மேலும் இது கீவ் மாகாணத்தின் தலைநகரம் ஆகும். இது தென் மத்திய உக்ரைனின் தினெய்ப்பர் ஆற்றின் இரு கரைகளிலும் அமைந்துள்ளது.
கீவ்
Київ | |
---|---|
சிறப்பு நகரம் | |
Kyiv | |
ஆள்கூறுகள்: 50°27′00″N 30°31′24″E | |
நாடு | உக்ரைன் |
மாநகரசபை | கீவ் நகர மாநகரசபை |
அமைப்பு | கிபி 482[1] |
நகரப் பேரவை | கீவ் நகரப் பேரவை |
பரப்பளவு | |
• சிறப்பு நகரம் | 839 km2 (324 sq mi) |
ஏற்றம் | 179 m (587 ft) |
மக்கள்தொகை (1 சனவரி 2019) | |
• சிறப்பு நகரம் | 29,50,800[2] |
• அடர்த்தி | 3,299/km2 (8,540/sq mi) |
• பெருநகர் | 33,75,000[3] (கீவ் பெருநகரம்) |
இனங்கள் | கீவர்,[4][5] |
மொ.உ.உ (2017) | |
• மொத்தம் | அமெரிக்க டாலர்26.29 பில். |
• தலைக்கு | அமெரிக்க டாலர்8,970 |
நேர வலயம் | ஒசநே+2 (EET) |
• கோடை (பசேநே) | ஒசநே+3 (EEST) |
அஞ்சல் | 01xxx–04xxx |
Area code | +380 44 |
கூதசெ குறியீடு | UP12 |
வாகனப் பதிவு | AA |
இணையதளம் | kyivcity.gov.ua |
இம்மாநகர மக்கள் தொகை 2015 சூலை கணக்கெடுப்பின்படி 2,887,974 பேர் உள்ள இம்மாநகர்(ஊடகங்களில் இதைக் காட்டிலும் அதிகமாக குறிப்பிடப்பட்டுள்ளது), ஐரோப்பிய கண்டத்தின் ஆறாவது அதிக மக்கள் தொகை கொண்ட மாநகராக உள்ளது. கிழக்கு ஐரோப்பாவின், தொழில், அறிவியல், கல்வி மற்றும் கலாச்சார மையமாக கியெவ் விளங்குகிறது. பல்வேறு உயர் நுட்ப தொழிற்சாலைகள், உயர் கல்வி அமைப்புகள் மற்றும் வரலாற்று சிறப்புமிக்க இடங்களுக்கும் தாயகமாக விளங்குகிறது. இம்மாநகர் மெட்ரோவை(Metro) உள்ளடக்கிய பரவாலான பகுதியை இணைக்கும் போக்குவரத்து மற்றும் உட்கட்டமைப்பு வசதிகளை கொண்டுள்ளது.
கீவ் என்ற இப்பெயர் கீய்(Kyi) என்பவரது பெயரை அடிப்படையாக கொண்டு வந்ததாக சொல்லப்படுகிறது. இவர் இந்நகரை நிர்மாணித்த நால்வருள் ஒருவர். மேற்கு ஐரோப்பாவின் வரலாற்றில் மிக பழமையான நகரங்களில் ஒன்றான கீவ், பல்வேறு நிலைகளை கடந்து வந்துள்ளது. 5ஆம் நூற்றாண்டிலேயே வணிக மையமாக திகழ்ந்துள்ளது. எசுக்காண்டினாவியா மற்றும் கான்ஸ்டண்டினோபிலுக்கு இடைப்பட்ட பெரிய வணிகப் பாதையில் சிலாவிக் மக்களின் குடியேற்றமாகவும் விளங்கியது, கீவ். 9 ஆம் நூற்றாண்டின் மத்தியில் வைக்கிங் இனத்தவர்கள் இதனை வெற்றி கொள்ளும்வரை கசார் இனத்திற்க்கு கட்டுப்பட்டு இருந்தது. வைக்கிங் ஆட்சியில் கீவிய-உருசு நாட்டின் தலைநகராக விளங்கியது. கீவிய-உருசு முதல் கிழக்கு சிலாவிக் நாடாகும். 1240ல் மங்கோலியப் பேரரசால் முற்றிலும் தகர்க்கப்பட்ட இந்நகர், பல நூற்றாண்டுகளுக்கு தன் முக்கியத்துவத்தை இழந்தது. அக்காலகட்டத்தில் அருகாமையில் அமைந்த பலம்வாய்ந்த அரசுகளான உருசியப் பேரரசு, மற்றும் போலந்து நாடுகளின் கட்டுப்பாட்டில் இருந்த இதன் பகுதிக்கு பெயரளவு தலைநகராக இருந்தது.
19ம் நூற்றாண்டின் இறுதியில் உருசியப் பேரரசின் தொழில் புரட்சியின் போது மீண்டும் முக்கியத்துவம் பெற்றது. 1918ம் ஆண்டில் சோவியத் ஒன்றியத்திலிருந்து பிரிந்து உக்ரைன் தேசிய குடியரசாகத் தன்னைத் தனி நாடாக அறிவித்துக் கொண்டவுடன் கீவ் இதன் தலைநகரமானது. 1921ம் ஆண்டிலிருந்து சோவியத் ஒன்றியத்தின் கீழ் உக்ரைன் சோவியத் சோசலிசக் குடியரசின் நகராக விளங்கியது, செம்படை இதை அதிகாரப்பூர்வமாக அறிவித்தது. 1934ம் ஆண்டிலிருந்து கீவ் தலைநகராக விளங்கியது. இரண்டாம் உலகப் போரின் போது சீர்குலைந்த இந்நகர் மீண்டும் சில ஆண்டுகளிலேயே மிக வேகமாக இயல்பு நிலைக்கு திரும்பி சோவியத் ஒன்றியத்தின் மூன்றாவது பெரிய மாநகரமாகவும் விளங்கியது. 1991ல் சோவியத் ஒன்றியத்தின் கலைப்பினை தொடர்ந்து உக்ரைன் விடுதலை பெற்ற பிறகு அதன் தலைநகரான கீவ் தொடர்ந்து அதிக அளவிலான, உக்ரைனின் பிற பகுதி குடிமக்களின் இடம்பெயர்வை ஏற்றுக்கொண்டது. உக்ரைன் நாடு சந்தைப் பொருளாதாரம் மற்றும் மக்களாட்சிக்கு மாறும் பொழுதும், கீவ் மாநகரம் உக்ரைனின் பெரிய மற்றும் பொருளாதார மையமாகவும் திகழ்கிறது. சோவியத் ஒன்றியத்தின் கலைப்பினை தொடர்ந்து ஏற்பட்ட இராணுவத் தளவாட உற்பத்திக் குறைவு அதன் அறிவியல் மற்றும் தொழில்நுட்ப வளர்ச்சியிலும் பெரிய அளவில் எதிர்மறை விளைவுகளை உண்டாக்கியது, இருப்பினும், சேவை மற்றும் நிதி மேலாண்மை துறைகள் மூலமாக கீவ் வின் பொருளாதார முதலீடுகளில் முனேற்றத்துடனும் கிராமப்புற குடியிருப்பு மற்றும் உள்கட்டமைப்பு மேம்பாட்டிற்கும் தொடர்ந்து நிதி வழங்கியும் வருகிறது.