![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4c/Tempel_der_Hatschepsut_%2528Deir_el-Bahari%2529.jpg/640px-Tempel_der_Hatschepsut_%2528Deir_el-Bahari%2529.jpg&w=640&q=50)
தேர் எல் பகாரி
From Wikipedia, the free encyclopedia
தேர் எல் பகாரி (Deir el-Bahari or Dayr al-Bahri) (அரபு மொழி: الدير البحري எகிப்தின் லக்சர் ஆளுநனரகத்தில் பாயும் நைல் நதியின் மேற்கு கரையில் அமைந்த அல்-உக்சுர் நகரத்திற்கு அருகே அமைந்த பண்டைய எகிப்திய பார்வோன்களின் கல்லறைக் கோயில்கள் மற்றும் எகிப்தியக் கடவுள்களின் கோயில்கள் கொண்ட இடமாகும். இது தீபை-அல்-உக்சுர் நகரத்திற்கு வெகு அருகில் உள்ளது. கிமு 15 முதல் 20-ஆம் நூற்றாண்டு வரையில் இங்கு நிறுவப்பட்ட கல்லறைக் கோயில்களை கிபி 1894– 1896-ஆண்டுகளின் அகழாய்வில் கண்டுபிடித்தனர்.[1]
யுனெசுக்கோ உலகப் பாரம்பரியக் களம் | |
---|---|
![]() மேல் எகிப்தில் தேர் எல் பகாயின் அமைவிடம் | |
அமைவிடம் | லக்சர் ஆளுநனரகம், எகிப்து |
பகுதி | தீபை நகரம் |
உள்ளடக்கம் |
|
கட்டளை விதி | பண்பாட்டுக் களம்: (i), (iii), (vi) |
உசாத்துணை | 087-003 |
பதிவு | 1979 (3-ஆம் அமர்வு) |
ஆள்கூறுகள் | 25°44′18″N 32°36′28″E |
தேர் எல் பகாரியில் பதினொன்றாம் வம்ச பார்வோன் இரண்டாம் மெண்டுகொதேப் மற்றும் எகிப்திய அரசி ஆட்செப்சுட்டுவின் கல்லறைக் கோயில்கள் உள்ளது. மேலும் இங்கு பதினெட்டாம் வம்ச பார்வோன்களான மூன்றாம் தூதுமோசு மற்றும் முதலாம் அமென்கோதேப் ஆகியோர் எகிப்தியக் கடவுள்களுக்கு பெரிய அளவில் நிறுவிய கோயில்கள் மற்றும் கட்டிடங்கள் உள்ளது.[2]
1979-இல் தேர் எல் பகாரியின் பண்டைய கட்டிடத் தொகுதிகளை இயுனேசுகோ உலகப் பாரம்பரியக் களமாக அறிவிக்கப்பட்டுள்ளது.