![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/ta/thumb/2/28/UEFA_Euro_2012_logo.svg.png/640px-UEFA_Euro_2012_logo.svg.png&w=640&q=50)
யூரோ 2012
From Wikipedia, the free encyclopedia
2012 யூஈஎஃப்ஏ ஐரோப்பிய கால்பந்தாட்டப் போட்டி (2012 UEFA European Football Championship) பொதுவாக யூரோ 2012 எனக் குறிப்பிடப்படும் கால்பந்தாட்டப் போட்டி யூஈஎஃப்ஏவால் ஐரோப்பிய தேசிய ஆண்கள் அணிகளிடையே நடத்தப்பட்ட 14வது ஐரோப்பிய கால்பந்தாட்டப் போட்டி ஆகும். போட்டியின் இறுதிக்கட்டச் சுற்றை 2012 சூன் 8 முதல் சூலை 1 வரை போலந்தும் உக்ரைனும் இணைந்து ஏற்று நடத்தின; இரு நாடுகளுக்கும் இந்தப் போட்டியை நடத்தியது இதுவே முதல் முறையாகும். 2007ஆம் ஆண்டில் யூஈஎஃப்ஏயின் செயற்குழுவால் இந்த ஏலமுடிவு எடுக்கப்பட்டது.[1]
Mistrzostwa Europy w piłce nożnej 2012 (போலியம்) Чемпіонат Європи з футболу 2012 (உக்ரைனிய மொழி) | |
---|---|
![]() யூஈஎஃப்ஏ யூரோ 2012 அலுவல் சின்னம் | |
சுற்றுப்போட்டி விவரங்கள் | |
இடம்பெறும் நாடுகள் | போலந்து உக்ரைன் |
நாட்கள் | சூன் 8 – சூலை 1 |
அணிகள் | 16 |
அரங்கு(கள்) | 8 (8 நகரங்களில்) |
இறுதி நிலைகள் | |
வாகையாளர் | ![]() |
இரண்டாம் இடம் | ![]() |
போட்டித் தரவுகள் | |
விளையாடிய ஆட்டங்கள் | 31 |
எடுக்கப்பட்ட கோல்கள் | 76 (2.45 /ஆட்டம்) |
பார்வையாளர்கள் | 13,77,726 (44,443/ஆட்டம்) |
அதிக கோல்கள் எடுத்தவர்(கள்) | ![]() ![]() ![]() ![]() ![]() ![]() (ஒவ்வொருவரும் 3 இலக்குகள்) |
← 2008 2016 → | |
இந்தப் போட்டிக்கான தகுதிச் சுற்றுக்கள் 51 நாடுகளுக்கிடையே ஆகத்து 2010 முதல் நவம்பர் 2011 வரை நடைபெற்று வந்தன. ஏற்று நடத்தும் போலந்து, உக்ரைனைத் தவிர 14 நாடுகள் இறுதிச் சுற்றில் விளையாடத் தகுதி பெற்றன. இறுதிச் சுற்றுப் போட்டிகள் 8 அரங்கங்களில் (போலந்தில் 4, உக்ரைனில் 4) நடைபெற்றன. இவற்றில் ஐந்து அரங்கங்கள் இச்சுற்றுப்போட்டிக்காகப் புதிதாக அமைக்கப்பட்டவை ஆகும்.
இறுதிப் போட்டி உக்ரைனின் தலைநகர் கீவில் ஒலிம்பிக் தேசிய விளையாட்டு வளாகத்தில் இடம்பெற்றது. இப்போட்டியில் எசுப்பானியா அணி இத்தாலியை 4–0 என்ற இலக்கில் வென்றது.[2] அடுத்தடுத்து இரண்டு தடவைகள் ஐரோப்பியக் கிண்ணத்தை வென்ற முதலாவது அணியாக எசுப்பானியா சாதனை படைத்தது. அத்துடன் மூன்று பெரும் வெற்றிக் கிண்ணங்களை (ஏனையவை: யூரோ 2008, 2010 உலகக்கோப்பை கால்பந்து)[2]) அடுத்தடுத்து வாங்கிய பெருமையையும் எசுப்பானியா பெற்றது. 2010 உலகக்கோப்பை கால்பந்து போட்டியில் வென்றதன் மூலம் எசுப்பானியா ஏற்கனவே 2013 இல் பிரேசிலில் நடைபெறவிருக்கும் கூட்டமைப்புகள் கோப்பைப் போட்டிகளில் பங்கேற்கத் தகுதி பெற்றுள்ளது. அதே வேளையில் யூரோ 2012 இல் இரண்டாவதாக வந்த இத்தாலிய அணியும் கூட்டமைப்புகள் கோப்பைப் போட்டியில் விளையாடத் தகுதி பெற்றது.[3]