லாசா மாவட்டம்
திபெத்தின் தலைநகரம் / From Wikipedia, the free encyclopedia
லாசா மாவட்டம் அல்லது செங்க்குவான் மாவட்டம் (Lhasa or Chengguan) சீனாவின் மேற்கில், இந்தியாவின் வடகிழக்கில், சீனாவின் தன்னாட்சிப் பிரதேசங்களில் ஒன்றான திபெத் தன்னாட்சிப் பகுதியின் மக்கள் தொகை மிக்க மாவட்டம் ஆகும். இதன் நிர்வாகத் தலைமையிடம் லாசா நகரம் ஆகும்.[3]லாசா நகரம், கடவுளர்களின் இருப்பிடமாக திபெத்தியர்கள் கருதுகின்றனர். லாசா மாவட்டம் கிழக்கு இமயமலையில் 3,650 மீட்டர்கள் (11,980 அடி) உயரத்தில், 525 சதுர கிலோமீட்டர்கள் (203 sq mi) பரப்பளவில் அமைந்துள்ளது. இம்மாவட்டத்தில் பிரம்மபுத்திரா ஆற்றின் கிளை ஆறான லாசா ஆறு பாய்கிறது.
லாசா
ཁྲིན་ཀོན་ཆུས་ • 城关区 | |
---|---|
மாவட்டம் | |
செங்க்குவான் மாவட்டம் எனும் லாசா மாவட்டத்தில் லாசா நகரம் (மஞ்சள் நிறம்) | |
ஆள்கூறுகள் (நாடு கடந்த திபெத்த்யர்களின் அரசாங்கம்): 29°38′55″N 91°07′03″E | |
நாடு | சீனா |
தன்னாட்சிப் பிரதேசம் | திபெத் தன்னாட்சிப் பகுதி |
தலமைமையிடம் | லாசா |
அரசு | |
• வகை | மாவட்டம் |
பரப்பளவு | |
• மாவட்டம் | 525 km2 (203 sq mi) |
• நகர்ப்புறம் | 168 km2 (65 sq mi) |
ஏற்றம் | 3,656 m (11,995 ft) |
மக்கள்தொகை (2010) | |
• மாவட்டம் | 2,79,074 |
• அடர்த்தி | 531.6/km2 (1,377/sq mi) |
• நகர்ப்புறம் (2018)[2] | 3,30,000 |
• இனக் குழுக்கள் | திபெத்திய மக்கள்; ஹான் சீனர்; ஊய் மக்கள் |
• மொழிகள் | திபெத்திய மொழிமாண்டரின் மொழி |
நேர வலயம் | ஒசநே+8 (சீனா சீர் நேரம்) |
அஞ்சல் சுட்டு எண் | 850000 |
Area code | தொலைபேசி குறியீடு |
இணையதளம் | www |
திபெத்திய பீடபூமியில் சிஞ்சியாங் நகரத்திற்குப் பின அதிக மக்கள் தொகை கொண்ட பகுதியாக லாசா மாவட்டம் உள்ளது. கிபி 17-ஆம் நூற்றான்டிலிருந்து, லாசா மாவட்டத்தின் நிர்வாகத் தலமையிடமாகவும், ஆன்மிகத் தலைமையிடமாகவும் உள்ள லாசா நகரம் கடல் மட்டத்திலிருந்து 3,656 மீட்டர்கள் (11,990 அடி) உயரத்தில் உள்ளது. லாசா நகரம் உலகில் உயரமான இடத்தில் அமைந்த நகரங்களில் ஒன்றாக உள்ளது. லாசா மாவட்டத்தில் திபெத்திய பௌத்தம் பெரும்பான்மை சமயமாக உள்ளது. இம்மாவட்டத்தின் குறிப்பிடத்தக்க இடங்கள் பொட்டலா அரண்மனை, ஜோகாங் விகாரை மற்றும் நோர்புலிங்கா அரண்மனைகள் ஆகும்.
லாசா மாவட்டத்தில் திபெத்திய பல்கலைக்கழகம் உள்ளது.[4]525 சதுர கிலோ மீட்டர் பரப்பளவு கொண்ட லாசா மாவட்டத்தின், 2010-ஆம் ஆண்டின் மக்கள் தொகை 2,79,074 ஆகவுள்ளது. இம்மாவட்டத்தில் பெரும்பான்மையாக திபெத்தியர்களுடன் ஹான் சீனர்கள் மற்றும் ஊய் மக்கள் வாழ்கின்றனர். மேலும் இங்கு திபெத்திய மொழி மற்றும் சீனர்களின் மாண்டரின் மொழி பேசப்படுகிறது.