லூனாஸ்
லூனாஸ் (Lunas) மலேசியா, கெடா, கூலிம் மாவட்டத்தில் ஒரு துணை மாவட்டம் ஆகும். / From Wikipedia, the free encyclopedia
லூனாஸ் (Lunas) மலேசியா, கெடா, கூலிம் மாவட்டத்தில் ஒரு துணை மாவட்டம் ஆகும். இந்தத் துணை மாவட்டத்தின் தலைப் பட்டணத்தின் பெயரும் லூனாஸ் ஆகும். இங்கு அதிகமாகத் தமிழர்கள்; சீனர்கள் வாழ்கிறார்கள்.
Lunas | |
---|---|
நாடு | மலேசியா |
மாநிலம் | கெடா |
நகரத் தோற்றம் | 1910-களில் |
மக்கள்தொகை (2011) | |
• மொத்தம் | 18,236 |
நேர வலயம் | ஒசநே+8 (மலேசிய நேரம் (MST)) |
• கோடை (பசேநே) | கண்காணிப்பு இல்லை |
அஞ்சல் குறியீடு | 10xxx |
அனைத்துலக முன்னொட்டுக் குறி | +6044 (தரைவழித் தொடர்பு) |
1890-ஆம் ஆண்டுகளில் ஆயிரக்கணக்கான தமிழர்கள் கூலிம்; லூனாஸ் பகுதிகளில் இருந்த காபி, ரப்பர் தோட்டங்களில் வேலை செய்வதற்காகத் தமிழகத்தில் இருந்து அழைத்து வரப் பட்டார்கள். அவ்வாறு அழைத்து வரப்பட்டவர்களை ஒப்பந்தத் தொழிலாளர்கள் என்று அழைத்தார்கள்.
அந்தக் காலக்கட்டத்தில் லூனாஸ் நகரத்தைச் சுற்றிலும் நிறைய ரப்பர் தோட்டங்கள் இருந்தன. 1990-ஆம் ஆண்டுகளில் லூனாஸ்; கூலிம் வட்டாரங்களில் தொழில்துறை மேம்பாடுகள். அவற்றின் காரணமாக பல ரப்பர் தோட்டங்கள் மூடப்பட்டன. அந்தத் தோட்டங்களில் வேலை செய்த தமிழர்களில் பெரும்பாலோர் லூனாஸ் புறநகர்ப் பகுதிகளில் குடியேறினார்கள். மலேசியாவில் அதிகமாகத் தமிழர்கள் வாழும் இடங்களில் லூனாஸ் நகரமும் ஒன்றாகும்.
இந்த நகரம் வாத்து சோறு (Duck rice) எனும் உணவுப் பொருள்களுக்குப் புகழ் பெற்றது.[1]