வெப்ப ஆற்றல்
From Wikipedia, the free encyclopedia
வெப்ப இயக்கவியலில், வெப்ப ஆற்றல் என்பது ஓர் அமைப்பில், அதன் வெப்ப இயக்கவியல் சமநிலைக்கு ஏற்ப இருக்கும் அக ஆற்றலைக் குறிக்கும்[1]. இயற்பியலிலோ அல்லது வெப்ப இயக்கவியலிலோ இதனைத் திட்டவட்டமாக வரைவிலக்கணப்படுத்த முடியாமல் இருப்பதற்குக் காரணம் வெப்பநிலையில் மாற்றம் ஏற்படாமலேயே அக ஆற்றலில் மாறுதல் நிகழலாம் என்பதுடன், அக ஆற்றலின் எந்தப் பகுதி வெப்பத்தால் நிகழ்வது என்பதை முடிவு செய்ய முடியாமல் இருப்பதுமாகும். ஒரு அமைப்பை அல்லது பொருளைச் சூடுபடுத்தும்போதோ குளிர்விக்கும்போதோ அதன் வெப்பநிலைக்கு ஏற்ப வெப்ப ஆற்றலும் மாறுபடும். ஒரு பொருளின் வெப்பம் (இயக்கவியல்) மாறும்போது அது வெப்ப ஆற்றல் என்று சொல்லப் படுகிறது.
வெப்பம் என்பது வேறுபட்ட வெப்பநிலைகளைக் கொண்டிருக்கும், ஒரு அமைப்புக்கும், அதன் சுற்றுச்சூழலுக்கும் இடையில், அவற்றுக்கிடையே இருக்கும் எல்லையின் இரு பக்கங்களுக்குமிடையில் காணப்படும் வெப்பநிலை வேறுபாட்டால் ஏற்படக்கூடிய ஆற்றல் நிலைமாற்றம் ஆகும்[2].
அடிப்படை அளவில், ஒரு பொருளின் அணு, மூலக்கூறு நகர்ச்சியால் உண்டாகும் இயக்க ஆற்றலின் ஒரு வகையே வெப்ப ஆற்றல் என்பது.