ఒడిశా జిల్లాల జాబితా
ఒడిశా లోని జిల్లాలు / From Wikipedia, the free encyclopedia
ఒడిశా,ఇది భారతదేశం తూర్పు తీరంలో ఉన్న రాష్ట్రం. ఈ రాష్ట్రంలో 2023 ఆగస్టు నాటికి 30 జిల్లాలు ఉన్నాయి.[1][2][3] ఈ 30 జిల్లాల పాలనను క్రమబద్ధీకరించడానికి తిరిగి మూడు పరిపాలనా విభాగాలు సెంట్రల్ డివిజను, నార్త్ డివిజను, సౌత్ డివిజను అనే వేర్వేరు విభాగాలు ఉన్నాయి.వాటి ప్రధాన కార్యాలయాలు వరుసగా కటక్ (సెంట్రల్ డివిజన్), సంబల్పూర్ (నార్త్ డివిజన్ ), బెర్హంపూర్ (దక్షిణ డివిజన్) ఉన్నాయి. ప్రతి విభాగంలో 10 జిల్లాలు ఉంటాయి. దాని పరిపాలనా నిర్వహణకు ప్రధాన అధికారిగా రెవెన్యూ డివిజనల్ కమీషనర్ (ఆర్.డి.సి) గా, ఇండియన్ అడ్మినిస్ట్రేటివ్ సర్వీస్ సీనియర్ ర్యాంక్ కలిగిన అధికారి ఉంటారు. పరిపాలనా శ్రేణిలో ఆర్.డి.సి. స్థానం, జిల్లా పరిపాలన, రాష్ట్ర సచివాలయం మధ్య ఉంటుంది. ప్రతి జిల్లా పరిపాలన కలెక్టర్, జిల్లా మేజిస్ట్రేట్ చేత నిర్వహించబడింది. వీరి నియామకం ఇండియన్ అడ్మినిస్ట్రేటివ్ సర్వీస్ ద్వారా జరుగుతుంది. కలెక్టర్ & జిల్లా మేజిస్ట్రేట్ జిల్లాలో ఆదాయాన్ని సేకరించడం, జిల్లాలో శాంతిభద్రతల నిర్వహణకు బాధ్యత వహిస్తాడు. ప్రతి జిల్లా ఉప విభాగాలుగా విభజించబడింది, ప్రతి ఒక్క ఉపవిభాగ పరిపాలన సబ్-కలెక్టర్ & సబ్-డివిజనల్ మేజిస్ట్రేట్ ద్వారా జరుగుతుంది. ఉప-విభాగాలు తహసిల్లుగా విభజించారు. తహసీల్దార్ నేతృత్వంలో తహసీల్లు ఉంటారు. ఒడిశాలో 03 డివిజన్లు, 30 జిల్లాలు, 58 సబ్ డివిజన్లు, 317 తాహసీల్లు, 314 బ్లాక్లు ఉన్నాయి.
ఒడిశా జిల్లాల ଓଡ଼ିଶାର ଜିଲ୍ଲାସମୂହ | |
---|---|
రకం | ఒడిశా జిల్లాలు |
స్థానం | ఒడిశా |
సంఖ్య | 30 |
జనాభా వ్యాప్తి | దేవగఢ్ – 3,12,520 (అత్యల్ప); గంజాం – 35,29,031 (అత్యధిక) |
విస్తీర్ణాల వ్యాప్తి | మయూర్భంజ్ – 10,418 చ.కి.మీ (అతిపెద్ద); జగత్సింగ్పూర్ – 1,759 చ.కి.మీ (చిన్నది) |
ప్రభుత్వం | ఒడిశా ప్రభుత్వం |
ఉప విభజన | ఉప విభాగాలు, తాలూకాలు లేదా తహసీల్లు |