కానరీ దీవులు
From Wikipedia, the free encyclopedia
కానరీ ద్వీపాలు స్పెయిన్ దక్షిణప్రాంతలోని స్వయంప్రతిపత్తి కలిగిన ప్రాంతం. ఇది అట్లాంటికు మహాసముద్రంలో ఉంది. ఇది మాకరోనేషియా అని పిలువబడే ప్రాంతంలో మొరాకోకు పశ్చిమంలో 100 కిలోమీటర్లు (62 మైళ్ళు) దూరంలో ఉంది. ఇది స్పానిషు ద్వీపసమూహంగా పరిగణించబడుతుంది. 100 kilometres (62 miles) స్పానిష్ జాతీయత కలిగిన 8 ప్రాంతాలలో కానరీద్వీపాలు ఒకటి.[6][7] కానరీ ద్వీపాలు భౌగోళికంగా ఆఫ్రికా టెక్టోనికు ప్లేటులో ఉన్నాయి. ద్వీపసమూహం ఆర్థికంగా, రాజకీయంగా ఐరోకు చెందినవిగా ఉంటూ ఐరోపా సమాఖ్యలో భాగంగా ఉన్నాయి.[8][9]
Canary Islands
| |
---|---|
Autonomous community of Spain | |
Anthem: "Himno de Canarias" "Anthem of the Canaries" | |
Coordinates: 28°N 16°W / 28; -16 | |
Country | Spain |
Largest city | Las Palmas |
Capital | Santa Cruz de Tenerife and Las Palmas[1] |
Government | |
• President | Ángel Víctor Torres (PSOE) |
Area | |
• Total | 7,493 km2 (2,893 sq mi) |
• Rank | 1.88% of Spain; ranked 13th |
Population (2019)[2] | |
• Total | 21,53,389 |
• Rank | 8th |
• Density | 290/km2 (740/sq mi) |
• Percentage | 4.58% of Spain |
Demonym(s) | Canarian canario/-a (Spanish) |
Ethnic groups | |
• Spaniards | 87.1%[3] |
• Foreign nationals | 12.9%[3][4] |
Time zone | UTC (WET) |
• Summer (DST) | UTC+1 (WEST) |
ISO 3166 code |
|
Most populated island | Tenerife |
Official language | Spanish |
Statute of Autonomy | 07 November 2018 |
Parliament | Canarian Parliament |
Congress seats | 15 (of 350) |
Senate seats | 14 (of 265) |
HDI (2017) | 0.855[5] very high · 13th |
దీనిలో ఎనిమిది ప్రధాన ద్వీపాలు (అతిపెద్ద, చిన్నవి) ఉన్నాయి: టెనెరిఫే, ఫ్యూర్టెవెంచురా, గ్రాన్ కానరియా, లాంజారోటు, లా పాల్మా, లా గోమెరా, ఎల్ హిరో, లా గ్రాసియోసా. ఈ ద్వీపసమూహంలో చాలా చిన్న ద్వీపాలు ఉన్నాయి: అలెగ్రాంజా, ఇస్లా డి లోబోస్, మోంటానా క్లారా, రోక్ డెల్ ఓస్టే, రోక్ డెల్ ఎస్టే. ఇది ప్రక్కనే ఉన్న రాతి (సాల్మోర్, ఫాస్నియా, బొనాంజా, గరాచికో, అనాగా) వరుసలను కూడా కలిగి ఉన్నాయి. పురాతన కాలంలో, ద్వీపమాలికను తరచుగా "అదృష్ట ద్వీపాలు" అని పిలుస్తారు.[10] కానరీ ద్వీపాలు స్పెయిన్ ఆగ్నేయాంత ప్రాంతంగా ఉన్నాయి. మాకరోనేషియాలోని అతిపెద్ద, అత్యధిక జనాభా కలిగిన ద్వీపసమూహంగా ఇవి గుర్తించబడుతున్నాయి.[11] చారిత్రాత్మకంగా కానరీ ద్వీపాలు నాలుగు ఖండాల మధ్య వంతెనగా పరిగణించబడ్డాయి: ఆఫ్రికా, ఉత్తర అమెరికా, దక్షిణ అమెరికా, ఐరోపా.[12]
2019 నాటికి కానరీ ద్వీపాలలో 2,153,389 మంది ప్రజలు ఉన్నారు.[2] జనసాంధ్రత చ.కి.మీకు 287.39. ఇది స్పెయిన్లో ఎనిమిదవ జనాభా కలిగిన స్వయంప్రతిపత్తి ప్రాంతంగా ఉంది. ద్వీపసమూహం జనాభా అధికంగా రెండు రాజధాని ద్వీపాలలో కేంద్రీకృతమై ఉంది. టెనెరిఫే ద్వీపంలో 43%, గ్రాన్ కానరియా ద్వీపంలో 40% ఉన్నారు.
ఈ ద్వీపసమూహాలకు సముద్రతీరాలు, వాతావరణం, ప్రధాన సహజ ఆకర్షణలుగా ఉన్నాయి. ముఖ్యంగా గ్రాన్ కానరియాలోని మాస్పలోమాస్, టెనెరిఫేలోని టీడ్ నేషనల్ పార్కు, మౌంటు టీడు (ప్రపంచ వారసత్వ ప్రదేశం) (ప్రపంచంలోని మూడవ ఎత్తైన అగ్నిపర్వతం ఉంది. సముద్రపు అడుగుభాగం నుండి దాని స్థావరం నుండి కొలుస్తారు). ఇది సంవత్సరానికి 12 మిలియన్ల మంది సందర్శకులతో ఒక ప్రధాన పర్యాటక కేంద్రంగా ఉంది. టెనెరిఫే, గ్రాన్ కానరియా, ఫ్యూర్టెవెంచురా, లాంజారోటు దీవులు పర్యాటకులను అధికంగా ఆకర్షిస్తున్నాయి.[13] ఈ ద్వీపాలు ఉపఉష్ణమండల వాతావరణాన్ని కలిగి ఉంటాయి. పొడవైన వేడి వేసవి, మధ్యస్తంగా వెచ్చని శీతాకాలాలు ఉంటాయి.[14] స్థానం, ఎత్తును బట్టి వర్షపాత స్థాయిలు, సముద్ర నియంత్రణ స్థాయి మారుతూ ఉంటాయి. ఈ ద్వీపసమూహంలో ఆకుపచ్చ ప్రాంతాలు, ఎడారి ఉన్నాయి. ఉష్ణోగ్రత విలోమ పొర పైన ఉన్న వాటి కారణంగా ఈ ద్వీపాల ఎత్తైన పర్వతాలు ఖగోళ పరిశీలనకు అనువైనవిగా ఉన్నాయి. ఈ కారణంగా టెనెరిఫే ద్వీపంలోని టీడు అబ్జర్వేటరీ, లా పాల్మా ద్వీపంలోని రోక్ డి లాస్ ముచాచోస్ అబ్జర్వేటరీ అనే రెండు ప్రొఫెషనల్ అబ్జర్వేటరీలను ఈ ద్వీపాలలో నిర్మించారు.
1927 లో కానరీ ద్వీపాల ప్రాంతం రెండు ప్రావిన్సులుగా విభజించబడింది. 1982 లో కానరీ ద్వీపాల స్వయంప్రతిపత్తి సంఘం స్థాపించబడింది. దీని రాజధానిగా శాంటా క్రజ్ డి టెనెరిఫే, లాస్ పాల్మాస్ డి గ్రాన్ కానరియా నగరాలు రెండూ ఉన్నాయి.[15][16] ఇవి శాంటా క్రజ్ డి టెనెరిఫే, లాస్ పాల్మాసు ప్రొవింసులకు రాజధానులుగా ఉంటాయి. లాస్ పాల్మాసు డి గ్రాన్ కానరియా 1768 నుండి (1910 లలో కొద్ది కాలం మినహా) కానరీల బీవులలో అతిపెద్ద నగరంగా ఉంది.[17] 1833 స్పెయిన్ ప్రాదేశిక విభజన తరువాత 1927 మధ్య శాంటా క్రజ్ డి టెనెరిఫే కానరీ ద్వీపాల ఏకైక రాజధానిగా ఉంది. 1927 లో కానరీ ద్వీపాలు రెండింటిలో రాజధానిని ఉండాలని ఒక ఉత్తర్వు జారి చేయబడింది.[18][19] కానరీ ద్వీపాలలో మూడవ అతిపెద్ద నగరం టెనెరిఫేలోని శాన్ క్రిస్టోబల్ డి లా లగున (ప్రపంచ వారసత్వ ప్రదేశం).[20][21][22] ఈ నగరంలో కన్సెజో కన్సల్టివో డి కానరియాసు (కానరీ ద్వీపాల అత్యున్నత చర్చల సంస్థ) ఉంది.[23]
స్పానిష్ సామ్రాజ్యం కాలంలో అమెరికాకు వెళ్ళేటప్పుడు స్పానిష్ గాలెయన్లకు కానరీలు ప్రధాన మజిలీగా ఉండేది.[24][25]