నైజర్
From Wikipedia, the free encyclopedia
నైజర్ " ది నైజర్ " [11][12][13][14] French: [niʒɛʁ])అధికారికంగా నైజర్ రిపబ్లికు[11][12] పశ్చిమ ఆఫ్రికాలో నైగర్ నది పేరు దేశానికి పెట్టబడింది. నైజర్ ఈశాన్యసరిహద్దులో లిబియా, తూర్పుసరిహద్దులో చాద్, దక్షిణసరిహద్దులో నైజీరియా, నైరుతిసరిహద్దులో బెనిన్, పశ్చిమసరిహద్దులో బుర్కినా ఫాసో, మాలి, వాయువ్య సరిహద్దులో అల్జీరియా ఉన్నాయి. నైజర్ దాదాపు 1,270,000 k మీ 2 (1.37 × 1013 చ.) వైశాల్యం కలిగి ఉంది. ఇది పశ్చిమ ఆఫ్రికాలో ఇది అతిపెద్ద దేశం. దేశ భూభాగం 80% పైగా సహారా ఎడారిలో ఉంది. దేశజనాభాలో సంఖ్యాపరంగా ముస్లిములు21మిలియన్లు [15] దేశంలోని ఇస్లామిక్ జనాభా ప్రధానంగా దేశంలోని దక్షిణ, పశ్చిమ ప్రాంతాలలో అధికంగా నివసిస్తున్నారు. నైజర్ రాజధాని నగరం నియోమీ నైరుతి మూలన ఉంది.
Republic of the Niger
| |
---|---|
నినాదం:
| |
గీతం: La Nigérienne | |
Location of నైజర్ (dark green) | |
రాజధాని and largest city | Niamey 13°32′N 2°05′E |
అధికార భాషలు | French |
National languages[1] |
|
పిలుచువిధం | Nigerien (/niːˈʒɛəriən/ [2] or /naɪˌdʒɪəriˈɛn/ [3]) |
ప్రభుత్వం | Unitary semi-presidential republic |
• President | Mohamed Bazoum |
• Prime Minister | Brigi Rafini |
శాసనవ్యవస్థ | National Assembly |
Independence from France | |
• Declared | 3 August 1960 |
విస్తీర్ణం | |
• మొత్తం | 1,267,000 km2 (489,000 sq mi) (21st) |
• నీరు (%) | 0.02 |
జనాభా | |
• 2016 estimate | 20,672,987 (61st) |
• 2012 census | 17,138,707 |
• జనసాంద్రత | 12.1/km2 (31.3/sq mi) |
GDP (PPP) | 2018 estimate |
• Total | $23.475 billion[4] (140th) |
• Per capita | $1,213[5] (183rd) |
GDP (nominal) | 2018 estimate |
• Total | $9.869 billion[6] (136th) |
• Per capita | $510[7] (179th) |
జినీ (2014) | 34.0[8] medium · 70th |
హెచ్డిఐ (2018) | 0.354[9] low · 189th |
ద్రవ్యం | West African CFA franc (XOF) |
కాల విభాగం | UTC+1 (WAT) |
వాహనాలు నడుపు వైపు | right[10] |
ఫోన్ కోడ్ | +227 |
ISO 3166 code | NE |
Internet TLD | .ne |
|
నైజర్ ఒక అభివృద్ధి చెందుతున్న దేశం. ఇది స్థిరంగా ఐక్యరాజ్యసమితి మానవ అభివృద్ధి సూచికలో దిగువ స్థానంలో ఉంది. 2015- 2018 నివేదికలలో 189 వ దేశాలలో 188 వ స్థానంలో నిలిచింది.[16] దేశంలోని ఎడారి భాగాలలో ఎక్కువ భాగం కాలానుగుణ కరువు, ఎడారీకరణ వలన బెదిరించబడుతున్నాయి. ఆర్థిక వ్యవస్థ జీవనాధారం మీద కేంద్రీకృతమై ఉంది. దక్షిణప్రాంతాలలో ఉన్న కొన్ని సారవంతమైన వ్యవసాయక్షేత్రాలలో పండించబడుతున్న కొన్ని ఉత్పత్తులు ఎగుమతి చేయబడుతున్నాయి. యురేనియం ముడి పదార్ధాలు ఎగుమతి చేయబడుతున్నాయి. భూబంధిత దేశంగా నైగర్ ఎడారి భూభాగం, అసమర్థమైన వ్యవసాయం, జనన నియంత్రణ లేకుండా అధిక సంతానోత్పత్తి శాతం ఫలితంగా అధిక జనాభా వంటి సవాళ్ళను ఎదుర్కొంటున్నది.[17] అదనంగా పేలవమైన విద్య స్థాయి, ప్రజల పేదరికం, మౌలికసౌకర్యాల లోపం, పేలవమైన ఆరోగ్య సంరక్షణ, పర్యావరణ క్షీణత వంటి సమస్యలను ఎదుర్కొంటుంది.
నైగర్ సమాజం అనేక జాతి సమూహాలు, ప్రాంతాల దీర్ఘకాల స్వతంత్ర చరిత్రల నుండి తీసుకున్న వైవిధ్యాలను ప్రతిబింబిస్తుంది. నైగర్ రాజ్యంగా స్వల్ప కాలం మాత్రమే ఉన్నాయి. చారిత్రకపరంగా, ప్రస్తుతం నైగర్ అనేక పెద్ద రాజ్యాల అంచులలో ఉంది. స్వాతంత్ర్యం తరువాత నైగర్ ప్రజలు ఐదు రాజ్యాంగాల ఆధ్వర్యంలో మూడు కాలాల సైనిక పాలనలో నివసించారు. 2010 లో సైనిక తిరుగుబాటు తరువాత నైగర్ ఒక ప్రజాస్వామ్య, బహు-పార్టీ రాజ్యం అయ్యింది. జనాభాలో చాలామంది గ్రామీణ ప్రాంతాలలో నివసిస్తున్నారు. ఆధునిక విద్యకు తక్కువ ప్రాప్తిని కలిగి ఉన్నారు. 2015 నాటికి 71.3% మంది నైజర్ జనాభా విద్యాహీనత కలిగి ఉన్నారు. ప్రపంచంలోని అత్యధిక నిరక్షరాస్యత శాతం కలిగిన దేశాలలో నైగర్ ఒకటి.