కృతి సనన్

కృతి సనన్ (జననం1990 జులై 27) భారతీయ నటి, మోడల్. ఎన్నో పెద్ద కంపెనీల కమర్షియల్సులో నటించిన కృతి తెలుగులో మహేష్ బాబు సరసన 1 - నేనొక్కడినే సినిమాతో నటిగా తెరంగేట్రం చేసింది. అటు హిందీలో జాకీ ష్రోఫ్ కొడుకు టైగర్ ష్రోఫ్ సరసన హీరోపంతి సినిమాతో తెరంగేట్రం చేస్తోంది. ఆది పురుష్‌ హిందీ చిత్రంలో కృతి సనన్ నటించింది.

కృతి సనన్
2023లో కృతి
జననం	కృతి సనన్ (1990-07-27) 1990 జూలై 27 (age 35) ఢిల్లీ, భారతదేశం
వృత్తి	నటి, మోడల్
క్రియాశీల సంవత్సరాలు	2010 – ఇప్పటివరకూ
బంధువులు	నుపూర్ సనన్ (సోదరి)

2021లో వచ్చిన మిమీ సినిమాలో తన నటనకు అనేక అవార్డులను అందుకుంది, అందులో ఉత్తమ నటిగా ఫిల్మ్‌ఫేర్ అవార్డు, ఉత్తమ నటిగా జాతీయ చలనచిత్ర అవార్డు గంగూబాయి కతియావాడి చిత్రానికి అలియా భట్‌తో కలసి గెలుచుకుంది.^[1][2]

2019 ఫోర్బ్స్ ఇండియా సెలబ్రిటీ 100 జాబితాలో ఆమె పేరు దక్కించుకుంది.

సినీ జీవితం

హిందీలో ఎన్నో కమర్షియల్సులో నటించిన కృతి సనన్ మహేష్ బాబు నటించిన 1 - నేనొక్కడినే సినిమాతో తెలుగు సినీపరిశ్రమలోకి అడుగుపెట్టింది. తొలుత ప్రముఖ నటి కాజల్ అగర్వాల్ ఈ సినిమాలో కథానాయికగా ఎన్నుకోబడ్డా డేట్స్ ఖాళీ లేక, ఉన్నవి సద్దుబాటు చెయ్యలేకపోయింది.^[3] ఈ సినిమాలో నటించడానికి మొగ్గుచూపినా ఎలాంటి గొడవ లేకుండా సినిమా నుంచి తప్పుకుంది. ఆ సమయంలో దర్శకుడు సుకుమార్ ఈమెని కథానాయికగా ఎంచుకున్నారు.^[4] ఈ సినిమాలో కృతి ఒక జర్నలిస్ట్ పాత్రను పోషించింది. సంక్రాంతి కానుకగా 2014లో విడుదలైన ఈ సినిమా విమర్శకుల నుంచి మిశ్రమ స్పందనను రాబట్టినా కృతి మాత్రం సానుకూల స్పందనను రాబట్టగలిగింది. సాక్షి దినపత్రిక తమ సమీక్షలో "కృతి సనన్ జర్నలిస్ట్‌గా, గౌతమ్ ప్రేయసి సమీరగా పర్వాలేదనిపించింది. ఈ చిత్రంలో కొంత ప్రాధాన్యం ఉన్న పాత్ర కృతి సనన్‌కు దక్కింది. కొత్త నటి అనే ఫీలింగ్‌ను కలిగించకుండా కృతి బాగానే జాగ్రత్త పడింది" అని వ్యాఖ్యానించారు.^[5]

ఆపై హిందీలో జాకీ ష్రోఫ్ కొడుకు టైగర్ ష్రోఫ్ తొలి చిత్రమైన హీరోపంతి సినిమా ద్వారా హిందీలో కథానాయికగా అడుగుపెట్టింది. ఈ సినిమా జాకీ ష్రోఫ్ నటించిన హీరో సినిమా రీమేక్ అయినప్పటికీ అల్లు అర్జున్ నటించిన పరుగు సినిమా ఛాయలు కూడా ఇందులో కనపడటం ఆశ్చర్యం ఎందరికో కలిగించింది.^[6][7] ఆ సినిమా నిర్మాణానంతర కార్యక్రమాలు పూర్తి చేసుకుంటోంది. ఇంతలోనే అల్లు అర్జున్ కథానాయకుడిగా త్రివిక్రం దర్శకత్వం వహిస్తున్న సినిమాలో సమంతతో పాటు నటిస్తున్న మరో ఇద్దరు కథానాయికల్లో ఒకరిగా కృతి ఎన్నుకోబడింది.^[8]

నటించిన చిత్రాలు

సంవత్సరం	సినిమా	పాత్ర	ఇతర విశేషాలు	మూలాలు
2014	1: నేనొక్కడినే	సమీర	తెలుగు సినిమా
	హీరోపంతి	డింపీ చౌదరి
2015	దోచేయ్	మీరా	తెలుగు సినిమా
	దిల్‌వాలే	ఇషితా మాలిక్
2017	రాబ్తా	సైరా సింగ్ / సైబా ఖాజీ
	బరేలీ కి బర్ఫీ	బిత్తి మిశ్రా
2018	స్త్రీ	పేరులేనిది	"ఆవో కభీ హవేలీ పే" పాటలో ప్రత్యేక పాత్ర	[9]
2019	లుకా చుప్పి	రష్మీ త్రివేది
	కలంక్	పేరులేనిది	"ఐరా గైరా" పాటలో ప్రత్యేక పాత్ర	[10]
	అర్జున్ పాటియాలా	రీతు రాంధవా
	హౌస్‌ఫుల్ 4	రాజకుమారి మధు / కృతి థక్రాల్
	పానిపట్	పార్వతి బాయి
	పతి పత్నీ ఔర్ వో	నేహా ఖన్నా	అతిధి పాత్రలో	[11]
2021	మిమీ	మిమీ రాథోడ్		[12]
	హమ్ దో హమారే దో	అన్య మెహ్రా		[13] [14]
2022	బచ్చన్ పాండే	మైరా దేవేకర్		[15]
	హీరోపంతి 2	పేరులేనిది	"విజిల్ బాజా 2.0" పాటలో	[16]
	భేదియా	డాక్టర్ అనికా		[17]
2023	షెహజాదా	సమర		[18]
	ఆదిపురుష్	జానకి	తెలుగు / హిందీ	[19] [20][21][22]
	గణపథ్	జాస్సీ		[23]
TBA	తేరీ బాతో మే ఐసా ఉల్జా జియా		పోస్ట్ ప్రొడక్షన్	[24]
	క్రూ		పోస్ట్ ప్రొడక్షన్	[25]
			చిత్రీకరణ / నిర్మాత కూడా

మ్యూజిక్ వీడియోస్

సంవత్సరం	పేరు	గాయకులు	సంగీత దర్శకుడు	మూలాలు
2015	"చల్ వాహన్ జాతే హై"	అరిజిత్ సింగ్	అమల్ మల్లిక్	[26]
2017	"పాస్ ఆవో"	అర్మాన్ మాలిక్, ప్రకృతి కాకర్		[27]
2020	"కుడి ను నాచ్నే దే"	విశాల్ దద్లానీ, సచిన్-జిగర్	సచిన్-జిగర్	[28]
2020	"ముస్కురాయేగా ఇండియా"	విశాల్ మిశ్రా	విశాల్ మిశ్రా	[29]

దాదాసాహెబ్ ఫాల్కే అవార్డు

భారత రాష్ట్రపతి చేతుల మీదుగా అవార్డు

2022 ఫిబ్రవరి 20న ముంబైలో నిర్వహించిన దాదాసాహెబ్ ఫాల్కే ఇంటర్నేషనల్ ఫిల్మ్ ఫెస్టివల్ అవార్డ్స్ - 2022 లో మిమీ సినిమాలో నటించిన కృతి సనన్కు ఉత్తమ నటి అవార్డు దక్కింది.