మేడ్చల్
తెలంగాణ, మేడ్చల్ జిల్లా, మేడ్చల్ మండలం లోని పట్టణం From Wikipedia, the free encyclopedia
Remove ads
మేడ్చల్, తెలంగాణ రాష్ట్రం, మేడ్చల్ జిల్లా, మేడ్చల్ మండలానికి చెందిన పట్టణం [1] ఇది హైదరాబాదును ఆనుకొని 44 వ నెంబరు జాతీయ రహదారి పై నాగపూర్ మార్గంలో ఉంది. కిష్టాపూర్ గ్రామం మేడ్చల్ పురపాలక సంఘం పరిధిలో వస్తుంది. 2013, సెప్టెంబరు 16న మేడ్చల్ పురపాలకసంఘంగా ఏర్పడింది.[2] పూర్వం ఈ గ్రామాన్ని "మేడిచెలం" అనేవారు.
Remove ads
విశేషాలు
ఈ వూరికి సమీపంలో పచ్చని ప్రకృతి అందాలమధ్య ఆహ్లాదకరమైన వాతావరణంలో, శ్రీ ప్రసన్న వేంకటేశ్వర స్వామి ఆలయం, చూడముచ్చటగా విరాజిల్లుతోంది.ప్రతి సంవత్సరం ఆశ్వయుజ మాసంలోని శరన్నవరాత్రులలో స్వామివారికి ఘనంగా బ్రహ్మోత్సవాలు జరుగుతాయి.[3]
చరిత్ర
1830లో గ్రామ స్థితిగతులను యాత్రాచరిత్రకారుడు ఏనుగుల వీరాస్వామయ్య తన కాశీయాత్ర చరిత్రలో వ్రాసుకున్నారు.1830 నాటికి మేడ్చల్‌కు హైదరాబాద్ నగరం నుంచి చేరేందుకున్న దారి చాలా అనుకూలంగా ఉండేది. బాటలో ఇసుక పొర ఉండేది. బాట పక్కన సీతాఫలపు చెట్ల అడవి మనోహరంగా ఉండేది. గ్రామానికి ముందున్న రెండు వాగులను దాటి ఊరికి చేరాల్సివుంటుందని, వర్షాకాలంలో అయితే వాగులు ఉధృతిగా ఉన్నప్పుడు దాటేందుకు కనీసం ఒకటి రెండు రోజులైనా ఆగవలసివుంటుందని వ్రాశారు. అప్పటికే గ్రామంలో కావలసిన వస్తువులన్న దొరికే వీలుందని, అంగళ్ళు చాలానే ఉన్నాయని వీరాస్వామయ్య వ్రాశారు.[4]
Remove ads
గణాంకాలు
2011 భారత జనగణన గణాంకాల ప్రకారం జనాభా- మొత్తం 93,425 - పురుషులు 47,465 - స్త్రీలు 45,960
రవాణా సౌకర్యాలు
ఈ గ్రామంలో రైల్వే స్టేషను ఉంది. ప్రధాన రైల్వే స్టేషను సికింద్రాబాదు ఇక్కడికి 24 కి.మీ. దూరంలో ఉంది. ఇక్కడినుండి అన్ని ప్రాంతాలకు రోడ్డు సౌకర్యముండి, బస్సుల వసతి ఉంది.
బ్యాంకులు
ఈ గ్రామంలో ఆంధ్ర బ్యాంకు, ఇండియన్ ఓవర్ సీస్ బ్యాంకు, కార్పోరేషన్ బ్యాంకు, స్టేట్ బ్యాంకు ఆఫ్ ఇండియా వారి శాఖలు ఉన్నాయి.
విద్యా సంస్థలు
రెడ్ సన్ జూనియర్, కళాశాల, సిల్వర్ జూనియర్ కళాశాల, స్కాలర్స్ జూనియర్ కళాశాల, గౌతమి డిగ్రీ కళాశాల, (ఫాఠశాలలు) డి.ఆర్.ఎస్. ఇంటర్ నేషనల్ స్కూలు, గౌతమి మోడల్ స్కూలు, కింగ్స్ విక్టర్ గ్రామర్ హైస్కూలు, శ్రీ చైతన్య హైస్కూలు, నాగార్జున టేలెంట్ స్కూలు, కృష్ణవేణి టేలెంట్ స్కూలు, ఆక్స్ ఫర్డ్ టేలెంట్ స్కూలు ఉన్నాయి.
ఉపగ్రామాలు
ఈ గ్రామానికి చాల ఉప గ్రామాలున్నవి. వాటిలో కొన్ని. అర్కలగూడ, బ్రహ్మాజీగూడ, బాసిర గడి ఘన్ పూర్, గోసాయి గూడ, గుబ్బడి తండ, ఖాసింబాయి తండ, ఖాజీగూడ, మైసిరెడ్డి పల్లె, మురహరి పల్లె, మురారిపల్లి, మైసమ్మగూడ, రాజ్ బొల్లారం తండ, రామలింగేశ్వర నగర్, సీతారి గూడ, సహజాదిగూడ, మొదలగునవి.[5]
మినీ స్టేడియం
మేడ్చల్ పట్టణంలో 1.80 కోట్ల రూపాయలతో 8 ఎకరాల్లో నిర్మించిన మినీ స్టేడియాన్ని 2022 జూన్ 15న తెలంగాణ రాష్ట్ర ఐటీ-మున్సిపల్‌ శాఖామంత్రి కల్వకుంట్ల తారక రామారావు ప్రారంభించాడు. ఈ కార్యక్రమంలో కార్మిక మంత్రి చామకూర మల్లారెడ్డి, ఎమ్మెల్సీ శంభీపూర్‌ రాజు, కలెక్టర్‌ హరీశ్ జడ్పీ చైర్మన్‌ శరత్‌చంద్రారెడ్డి, ఎంపీపీ రజిత రాజమల్లారెడ్డి, జడ్పీటీసీ శైలజా విజయానందరెడ్డి పాల్గొన్నారు.[6]
ఎంసీహెచ్ ఆసుపత్రి
మేడ్చల్ పట్టణంలో నిర్మిస్తున్న 50 పడకల ఎంసీహెచ్ దవాఖానకు 2022 ఆగస్టు 3న రాష్ట్ర ఆర్థిక, వైద్యారోగ్య శాఖ మంత్రి టి. హరీశ్ రావు శంకుస్థాపన చేశాడు. ఈ దవాఖానకు కొత్తగా ఎనిమిది మంది వైద్యులు, 16 మంది స్టాఫ్‌నర్సులతోపాటు 50 మంది సిబ్బంది అదనంగా ఇస్తున్నారు. ఈ కార్యక్రమంలో కార్మిక శాఖ మంత్రి సిహెచ్. మల్లారెడ్డి, స్థానిక ప్రజాప్రతినిధులు, అధికారులు పాల్గొన్నారు.[7]
ఇవి కూడా చూడండి
మూలాలు
వెలుపలి లింకులు
Wikiwand - on
Seamless Wikipedia browsing. On steroids.
Remove ads