HTML

హైపర్‌టెక్స్ట్ మార్కప్ లాంగ్వేజ్ (Hypertext Markup Language - HTML) అనేది వెబ్ బ్రౌజర్లలో (జాల విహరిణి) చూసే డాక్యుమెంట్లను రూపొందించడానికి వాడే ప్రామాణిక మార్కప్ లాంగ్వేజ్. ఇది వెబ్ పేజీలో చూపించాల్సిన అంశాన్ని, దాని నిర్మాణాన్ని నిర్దేశిస్తుంది. దీనికి సహాయంగా కాస్కేడింగ్ స్టైల్ షీట్ (CSS), జావాస్క్రిప్టు (JavaScript) పనిచేస్తాయి.

HTML
132px|
పేరు	HTML
పొడిగింపు	.html .htm
అంతర్జాలమాధ్యమ రకం	text/html
విడుదలతేదీ	1993; 32 సంవత్సరాల క్రితం (1993)
వీటిని కలిగివుంటుంది	HTML elements
దీని నుండి పొడిగించబడింది	SGML

వెబ్ బ్రౌజర్లు సాధారణంగా వెబ్ సర్వర్ల నుంచి కానీ, లోకల్ స్టోరేజ్ నుంచి కానీ HTML డాక్యుమెంట్లను తెచ్చుకుని మల్టీమీడియా వెబ్ పేజీల రూపంలో ప్రదర్శిస్తుంది. HTML పేజీలకు మూలం HTML ఎలిమెంట్స్ లేదా ట్యాగ్స్.

చరిత్ర

ఆంగ్ల కంప్యూటర్ శాస్త్రవేత్త టిమ్ బెర్నర్స్ లీ 1980లో జెనీవాలో ఉండగా పరిశోధకులు సమాచారాన్ని ఇచ్చిపుచ్చుకునేందుకుగా వీలుగా హైపర్ టెక్స్ట్ ఆధారంగా ఒక ప్రాజెక్టు కోసం ప్రతిపాదన చేశాడు.^[1] దాన్ని అందరికీ తెలియజేసేందుకు ఎంక్వైర్ అనే నమూనాను తయారు చేశాడు.^[2] 1989 లో అంతర్జాల ఆధారిత హైపర్‌టెక్స్ట్ సిస్టం కోసం ఒక ప్రతిపాదన చేశాడు.^[3] దీని ఆధారంగా 1990 చివరలో HTML కి రూపకల్పన చేసి, వెబ్ బ్రౌజరు అభివృద్ధి చేశాడు.