మేళ్లచెరువు మండలం (సూర్యాపేట జిల్లా)

మేళ్ళచెరువు మండలం, తెలంగాణ రాష్ట్రం, సూర్యాపేట జిల్లాకు చెందిన మండలం.^[1] మేళ్ళచెరువు, ఈ మండలానికి కేంద్రం. ఇది సమీప పట్టణమైన జగ్గయ్యపేట నుండి 33 కి. మీ. దూరంలో ఉంది. 2016 లో జరిగిన జిల్లాల పునర్వ్యవస్థీకరణకు ముందు ఈ మండలం నల్గొండ జిల్లాలో ఉండేది.^[2] ప్రస్తుతం ఈ మండలం కోదాడ రెవెన్యూ డివిజనులో భాగం. పునర్వ్యవస్థీకరణకు ముందు ఇది సూర్యాపేట డివిజనులో ఉండేది.ఈ మండలంలో 4 రెవెన్యూ గ్రామాలు ఉన్నాయి. నిర్జన గ్రామాలు లేవు.

మేళ్లచెరువు మండలం
—  మండలం  —
తెలంగాణ పటంలో సూర్యాపేట జిల్లా, మేళ్లచెరువు మండలం స్థానాలు తెలంగాణ పటంలో సూర్యాపేట జిల్లా, మేళ్లచెరువు మండలం స్థానాలు
అక్షాంశరేఖాంశాలు: 16.770357°N 79.985733°E / 16.770357; 79.985733
రాష్ట్రం	తెలంగాణ
జిల్లా	సూర్యాపేట జిల్లా
మండల కేంద్రం	మేళ్లచెరువు (సూర్యాపేట జిల్లా)
గ్రామాలు	14
ప్రభుత్వం
- మండలాధ్యక్షుడు
జనాభా (2011)
- మొత్తం	74,682
- పురుషులు	37,448
- స్త్రీలు	37,234
అక్షరాస్యత (2011)
- మొత్తం	51.75%
- పురుషులు	64.35%
- స్త్రీలు	38.72%
పిన్‌కోడ్	508246

నల్గొండ జిల్లా నుండి మార్పు

2016 పునర్వ్యవస్థీకరణకు ముందు అవిభక్త నల్గొండ జిల్లా పటంలో మండల స్థానం

లోగడ మేళ్లచెరువు మండలం,నల్గొండ జిల్లా,సూర్యాపేట రెవెన్యూ డివిజను పరిధిలో ఉంది.2014 లో తెలంగాణా ప్రత్యేక రాష్ట్రంగా ఏర్పడిన తరువాత మొదటిసారిగా 2016 లో ప్రభుత్వం నూతన జిల్లాలు, రెవెన్యూ డివిజన్లు, మండలాల ఏర్పాటులో భాగంగా మేళ్లచెరువు మండలాన్ని (1+03) నాలుగు గ్రామాలుతో కొత్తగా ఏర్పడిన సూర్యాపేట జిల్లా, కోదాడ రెవెన్యూ డివిజను పరిధిలో చేర్చుతూ ది.11.10.2016 నుండి అమలులోకి తెస్తూ ప్రభుత్వం ఉత్తర్వు జారీచేసింది.^[3]

2016 లో జరిగిన పునర్వ్యవస్థీకరణ తరువాత, ఈ మండల వైశాల్యం 152 చ.కి.మీ. కాగా, జనాభా 38,140. జనాభాలో పురుషులు 19,179 కాగా, స్త్రీల సంఖ్య 18,961. మండలంలో 10,313 గృహాలున్నాయి.^[4]

మండల జనాభా

2011 భారత జనగణన గణాంకాల ప్రకారం మండల పరిధిలోని జనాభా - మొత్తం 74,682 - పురుషులు 37,448 - స్త్రీలు 37,234

మండలంలోని గ్రామాలు

రెవెన్యూ గ్రామాలు

1. మేళ్లచెరువు
2. ఏపలమాదారం
3. రేవూరు
4. కందిబండ