శనివారపుపేట

శనివారపుపేట, ఏలూరు జిల్లా, ఏలూరు మండలానికి చెందిన జనగణన పట్టణం. ఇది ఏలూరు రెవెన్యూ డివిజన్‌ లోని ఏలూరు మండలంలో ఉంది. ఈ పట్టణం ఏలూరు పట్టణ సమ్మేళనంలో ఒక భాగం. ఏలూరు నుండి ముసునూరు మీదుగా నూజివీడు వెళ్ళేమార్గంలో ఉన్న ఈ గ్రామం ప్రస్తుతం దాదాపు ఏలూరు నగరంలో కలిసిపోయింది. గ్రామం శివారులలోని పొలాలలో వరి, కొబ్బరి, కూరగాయలు ప్రధానమైన పంటలు. గ్రామంలో చెన్నకేశవ స్వామి, రామ లింగేశ్వర స్వామి వార్ల దేవాలయం ప్రధానమైన ఆకర్షణ. ఈ ఆలయం చిన్న తిరుపతి దేవస్థానం వారి నిర్వహణలో ఉంది. ఈ ఆలయ గోపురం చాలా ఎత్తైంది, వివిధ పురాణ గాథలు చక్కని శిల్పాలుగా చెక్కబడి ఉన్నాయి.

శనివారపుపేట
—  జనగణన పట్టణం  —
శ్రీ చెన్నకేశవస్వామి దేవాలయం, శనివారంపేట శ్రీ చెన్నకేశవస్వామి దేవాలయం, శనివారంపేట
శనివారపుపేట ఆంధ్రప్రదేశ్ పటంలో గ్రామ స్థానం
అక్షాంశరేఖాంశాలు: 16.723789°N 81.096208°E / 16.723789; 81.096208
రాష్ట్రం	ఆంధ్రప్రదేశ్
జిల్లా	పశ్చిమ గోదావరి
మండలం	ఏలూరు
ప్రభుత్వం
- సర్పంచి
జనాభా (2011)
- మొత్తం	8,142
- పురుషులు	4,112
- స్త్రీలు	4,030
- గృహాల సంఖ్య	2,114
పిన్ కోడ్	534002
ఎస్.టి.డి కోడ్

పట్టణ జనాభా

• 2011 భారత జనాభా లెక్కలు ప్రకారం శనివారపుపేట పట్టణ జనాభా మొత్తం 8,142, అందులో 4,112 మంది పురుషులు కాగా, 4,030 మంది స్త్రీలు ఉన్నారు. 0-6 సంవత్సరాల వయస్సు గల పిల్లల జనాభా 822, ఇది శనివారపుపేట (సిటి) మొత్తం జనాభాలో 10.10 %. శనివారపుపేట పట్టణంలో స్త్రీ లింగ నిష్పత్తి రాష్ట్ర సగటు 993కి వ్యతిరేకంగా 980గా ఉంది. అంతేకాకుండా ఆంధ్రప్రదేశ్ రాష్ట్ర సగటు 939తో పోలిస్తే శనివారపుపేటలో బాలల లింగ నిష్పత్తి 971గా ఉంది. శనివారపుపేట పట్టణ అక్షరాస్యత రేటు రాష్ట్ర సగటు కంటే 85.25 % 67% ఎక్కువ శనివారపుపేటలో పురుషుల అక్షరాస్యత దాదాపు 88.17% కాగా స్త్రీల అక్షరాస్యత 82.26 %.ఉంది.^[1] పట్టణ పరిధిలోని గృహాల 2,114 ఉన్నాయి.
• 2001 వ.సంవత్సరం జనాభా లెక్కల ప్రకారం గ్రామ జనాభా 7456. ఇందులో పురుషుల సంఖ్య 3812, మహిళల సంఖ్య 3644, గ్రామంలో నివాస గృహాలు 1742 ఉన్నాయి.

రవాణా

శనివారపుపేట రోడ్డు ద్వారా ఇతర ప్రాంతాలకు బాగా అనుసంధానం ఉంది.^[2] ఏలూరు నగరపాలక సంస్థ ద్వారా శనివారపుపేట రహదారిని 4 మార్గాల (60 అడుగుల) రహదారిగా మెరుగు పర్చారు.^[3]

చదువు

ప్రాథమిక, మాధ్యమిక పాఠశాల విద్య రాష్ట్ర పాఠశాల విద్యా శాఖ ఆధ్వర్యంలోని ప్రభుత్వ, సహాయ, ప్రైవేట్ పాఠశాలల ద్వారా అందించబడుతుంది. ^[4][5]

మూలాలు

1. "Sanivarapupeta Census Town City Population Census 2011-2023 | Andhra Pradesh". www.census2011.co.in. Retrieved 2023-04-28.
2. "28 cr for extension of roads in Eluru: MLA".
3. "Row over compound wall demolition". Retrieved 12 May 2018.
4. "School Education Department" (PDF). School Education Department, Government of Andhra Pradesh. Archived from the original (PDF) on 7 November 2016. Retrieved 7 November 2016.
5. "The Department of School Education - Official AP State Government Portal | AP State Portal". www.ap.gov.in. Archived from the original on 7 November 2016. Retrieved 7 November 2016.

వెలుపలి లంకెలు