Соли 1992

Соли 1992 (ҳазору нуҳсаду наваду дувум) дар гоҳшумории мелодӣ — соли кабиса, оғоз дар рӯзи чоршанбе. Ин 1992 соли даврони ҳозир, 992 соли ҳазораи 2, 92 соли садаи XX, 2 соли даҳаи 10 садаи XX, 3 соли даҳаи 1990-ум.

1990 | 1991 | 1992 | 1993 | 1994 | 1995 | 1996 | 1997 | 1998 | 1999

1992

Рӯйдодҳо

феврал 1992

• 26 феврал – аъзои Созмони амният ва ҳамкорӣ дар Аврупо (САҲА) гардидани Ҷумҳурии Тоҷикистон.

март 1992

• 2 март – Дар иҷлосияи 46-уми Маҷмаи Умумии Созмони Милали Муттаҳид Ҷумҳурии Тоҷикистон аъзои комилҳуқуқи Созмони Милали Муттаҳид интихоб гардид.^{[1] [2]}
• 5 март – қабул гардидани Қонуни Ҷумҳурии Тоҷикистон «Дар бораи ислоҳоти замин».
• 26 март – оғози гирдиҳамоии зиддиҳукуматӣ дар майдони «Шаҳидон» – и шаҳри Душанбе бо иштироки ҳизбу ҳаракатҳои мухолифин.^[3]

апрел 1992

• 24 апрел – оғози гирдиҳамоии ҷонибдорони ҳукумати расмӣ (Президент Раҳмон Набиев) дар майдони «Озодӣ» ш.Душанбе.

май 1992

• 5 май – дар гардиши Олӣ Совет, роҳи Душанбе – Ёвон рӯй додани хунрезӣ байни ҷонибдорони ҳукумати расмӣ (Президент Раҳмон Набиев) ва мухолифин ва оғози Ҷанги шаҳрвандии Тоҷикистон.^[4]
• 10 май – ташкили «Ҳукумати муросои миллӣ»-и Тоҷикистон бо намояндагони ҳизбу ҳаракатҳои мухолифиин.

август 1992

• 24 август – Сӯиқасд ва кушта шудани додситони генералии Ҷумҳурии Тоҷикистон Нурулло Ҳувайдуллоев аз ҷониби мухолифин.
• 31 август – Қасри Президентро ишғол намуда ҷонибдорони силоҳбадасти мухолифин ва гаравгон гирифтани зиёда аз 30 нафар аъзои мақомоти идораи Президент ва Ҳукумати Раҳмон Набиев.^[5]

сентябр 1992

• 7 сентябр – Дар фурудгоҳи шаҳри Душанбе аз ҷониби мухолифин гаравгон гирифтани Президенти ҶТ Раҳмон Набиев ва ба истеъфо баромадани ӯ. Минбаъд, Акбаршоҳ Искандаров, ки раиси Шӯрои Олии Ҷумҳурии Тоҷикистон буд, иҷрокунандаи вазифаи Президенти Тоҷикистон (то 19 ноябри соли 1992) гардид.
• 9 сентябр – барпо гардидани форуми аввалини тоҷикони ҷаҳон дар шаҳри Душанбе ба муносибати яксолагии истиқлоли давлатии Ҷумҳурии Тоҷикистон.

октябр 1992

• 18 октябр - кушта шудани сарояндаи ҷавони тоҷик Кароматулло Қурбонов.
• 24 октябр – ҳуҷуми нерӯҳои силоҳбадасти Сафаралӣ Кенҷаев зидди мухолифин ба шаҳри Душанбе ва бебарор анҷомидани он.

ноябр 1992

• 4 ноябр – 13 декабр – муҳосираи иқтисодии шаҳри Душанбе (39 рӯз давом кард), аз ҷониби нерӯҳои Ҷабҳаи халқии Ҳисор.
• 16 ноябр – 2 декабр баргузории Иҷлосияи XVI (Хуҷандии) Шӯрои Олии Ҷумҳурии Тоҷикистон. ^[6]
• 19 ноябр – Дар Иҷлосияи XVI (Хуҷандии) Шӯрои Олии Ҷумҳурии Тоҷикистон, раиси Шӯрои Олии Ҷумҳурии Тоҷикистон интихоб гардидани Эмомалӣ Раҳмон.^[7]
• 24 ноябр – дар Иҷлосияи XVI (Хуҷандии) Шӯрои Олии Ҷумҳурии Тоҷикистон Парчами давлатии Ҷумҳурии Тоҷикистон қабул гардид. Дар Тоҷикистон аз соли 2009 рӯзи 24 ноябрро ҳамчун «Рӯзи Парчам» ҷашн мегиранд.^[8]

Зодрӯзҳо

Бознигаред: Гурӯҳ:Зодагони соли 1992

Даргузаштҳо

Бознигаред: Гурӯҳ:Даргузаштагони соли 1992

Адабиёт

• История таджикского народа. Том VI. (Новейшая история).– Душанбе:«Империал-Групп»,2011. С.438-488.