Зарафшон (шаҳрак)

Зарафшон (пешинаСарвода) — шаҳракест, дар ноҳияи Айнӣ, вилояти Суғди Ҷумҳурии Тоҷикистон. Аз шаҳрак то маркази ноҳия 30 км, то маркази вилоят (ш. Хуҷанд) 196 км, то ш. Душанбе 115 км; роҳ асфалтпӯш. Аҳолиаш 2200 нафар (январи 2016).

Шаҳрак
Зарафшон
Парчам
Кишвар	Тоҷикистон
Вилоят	Вилояти Суғд
ноҳия	Ноҳияи Айнӣ
Таърих ва ҷуғрофиё
Минтақаи замонӣ	UTC+5:00
Аҳолӣ
Аҳолӣ	3000[1] тан (2022)
Миллият	тоҷикҳо
Эътиқодот	мусулмонон
Забони расмӣ	тоҷикӣ

Таърих

Шаҳрак 25 апрели соли 1952 ба муносибати бунёди Комб. маъдантозакунии Анзоб таъсис ёфтааст.

Аҳолӣ

1959[2]	1970[3]	1979[4]	1989[5]	2013[6]	2019	2020	2022
866	693	1828	2050	2200	2500	2400	3000

Иқтисод

Дар шаҳрак 2 муассисаи таҳсилоти миёнаи умумӣ, 5 дорухона, маркази саломатӣ, беморхонаи марказии ноҳиявӣ, 3 китобхона, 3 маркази фароғатӣ, 2 боғчаи бачагон, мактаби мусиқӣ, 70 мағоза, тарабхонаи «Қаҳрамон — Олим Нозимов», 7 ошхона, шуъбаи милитсия, филиали бонкҳои «Амонатбонк», «Ориёнбонк», «Агроинвестбонк», «Бонки Эсхата» ва маркази қарздиҳии хурди «Рушди водии Зарафшон» мавҷуданд. Дар ҳудуди шаҳрак Корхонаи муштараки филизкори (металлургӣ)-и «Анзоб», корхонаи истихроҷи ангишти «Фон — Яғноб» фаъолият доранд. Аҳолии шаҳрак дар корхонаҳои дар ҳудуди шаҳрак мавҷудбуда кор ва фаъолият мекунанд. Аз ёдгориҳои таърихӣ дар шаҳрак қалъаи Искандари Мақдунӣ мавҷуд аст.

Шахсиятҳои маъруф

Қаҳрамонони меҳнати сотсиалистӣ Олим Нозимов, Сангин Эшов, дорандаи ордени Ленин Қаландар Солеҳов ва ходими давлатӣ Мирзобек Мирзобадалов (собиқ вакили Шӯрои Олии Ҷумҳурии Тоҷикистон) дар ҳамин шаҳрак таваллуд шудаанд.