Alpha Centauri
From Wikipedia, the free encyclopedia
Ang Alpha Centauri (α Centauri, α Cen; kilala rin sa tawag na Rigel Kent /ˈraɪdʒəl ˈkɛnt/) ay ang pinakamaliwanag na bituin sa katimugang konstelasyon ng Centaurus, at ang pangatlong pinakamaliwanag na bituin sa panggabing langit.[1][2] Makikita ang sistema ng Alpha Centauri sa 1.34 parsec o 4.37 sinag-taon mula sa Araw, kaya ito ang naging pinakamalapit na sistemang pangbituin sa Sistemang Solar.[3] Bagamat nakikita ito ng mga matang walang instrumento bilang isang bituin, sa katotohanan, ang Alpha Centauri ay isang sistemang dalawahang bituin (na may designasyong Alpha Centauri AB o α Cen AB) na kung saan ang kanilang pinagsamang nakikitang magnityud na −0.27 ay nakatulong upang maging pangatlong pinakamaliwanag na bituin na nakikita sa Mundo pagkatapos ng magnityud na −1.46 ng Sirius at magnityud na −0.72 ng Canopus.
Ang Alpha Centauri C o Proxima Centauri ay ika-3 bituin nitong sistemang pangbituin at pinakalapit na bituin sa ating Araw. 4.24 sinag-taon ang distansiya sa ating Araw at 0.2 sinag-taon sa Alpha Centauri AB. May relasyong grabidad ito sa Alpha Centauri AB.
May di pa kompirmadong planetang terestriyal na Alpha Centauri Bb na lumilibot sa Alpha Centauri B.