Amnion
From Wikipedia, the free encyclopedia
Ang amnion o amniyon ay isang manipis na supot o suput-suputan na mayroong pluwido o parang tubig na kinalulutangan o kinalalagyan ang mabubuong sanggol (fetus) o embriyong nasa sinapupunan ng inang babae. Sa hayop, ito ang bumabalot sa embriyo ng itlog ng ibon at ng reptilya.[1] Sa tao, mahalaga ang kayarian o istrukturang ito sa maagahang mga yugto ng pag-unlad ng sanggol bago ito ipanganak sapagkat mismo ang lumilikha ng pluidong amniotiko, ang pluwidong kinalulutangan ng hindi pa isinisilang na batang tao. Binubuo ang amniotikong pluidong ito ng mga "tubig" na tumatakas sa maagang yugto ng panganganak.[2]