Henry Hudson
From Wikipedia, the free encyclopedia
Si Henry Hudson (ipinanganak noong dekada ng 1560 o dekada ng 1570) ay isang Ingles na eksplorador ng dagat at nabigador noong kaagahan ng ika-17 daantaon.[1]
Nagsagawa si Hudson ng dalawang pagtatangka para sa pangalan ng mga mangangalakal na Ingles upang makahanap ng isang maaaring maging Lagusang Hilaga-kanluran papunta sa Cathay (Catai, kasalukuyang Tsina) sa pamamagitan ng isang ruta na nasa ibabaw ng Bilog ng Arktiko. Ginalugad ni Hudson ang rehiyon sa paligid ng modernong pook na metropolitano ng New York habang naghahanap ng isang kanlurang ruta papunta sa Asya sa ilalim ng pagtangkilik ng Dutch East India Company.[2] Ginalugad niya ang ilog na sa lumaon ay ipinangalan para sa kaniya, at nagbunsod kung gayon ng pundasyon para sa kolonisasyong Olandes ng rehiyon.
Natuklasan ni Hudson ang kipot at malawak na look noong kaniyang panghuling ekspedisyon habang hinahanap ang Lagusang Hilaga-kanluran. Noong 1611, pagkaraan ng pagpapalipas ng panahon ng taglamig sa baybayin ng Look James, ninais ni Hudson na magpatuloy pa papunta sa kanluran, subalit ang karamihan sa kaniyang mga tauhan ay nanghimagsik. Iniwanang inaanod ng tubig ng mga mutinero (manghihimagsik) sina Hudson, ang kaniyang anak na lalaki at 7 iba pa;[3] ang mga Hudson, at ang mga itinapon at pinabayaan ay hindi na muling nakita pa.