Hinduismo sa Asya
Buod ng relihiyon sa kontinente / From Wikipedia, the free encyclopedia
Isa sa mga pinakamalalaki at pangunahing relihiyon ang Hinduismo sa Asya, kung saan 26% ng populasyon ng kontinente ang kabilang rito.[1] Noong 2020, tinatayang nasa 1.2 bilyong Hindu ang naninirahan sa kontinente.[2] 99% ng mga Hindu sa buong mundo ang nasa Asya, na pinangunahan ng India, na tinitirhan ng 94% ng mga Hindu sa mundo.[3] Bukod sa India, maraming mga bansa sa kontinente ang may malaking populasyon ng mga Hindu: ang mga karatig-bansa ng India na Nepal, Bangladesh, Sri Lanka, at Pakistan, gayundin ang mga bansa sa Timog-silangang Asya tulad ng Indonesia at Malaysia.[4][5][6] May malaki ring populasyon ng mga Hindu sa Emiratos, dahil na rin sa mga migranteng nanggaling mula sa subkontinente ng India.[7]