Kromosomang 8 (tao)
From Wikipedia, the free encyclopedia
Ang Kromosomang 8 (Ingles: Chromosome 8) ang isa sa 23 pares ng mga kromosoma sa tao. Ang mga tao ay normal na may dalawang mga kopya ng kromosomang ito. Ang kromosomang 8 ay sumasaklaw sa mga 145 milyong base na pares(na pantayong materyal ng DNA) at kumakatawan sa pagitan ng 4.5 5.0% ng kabuuang DNA sa selula ng tao. [1] Ang kromosomang 8 ay may dalawang mga braso na 8p at 8q. Ang maikling braso na 8p ay mayroong mga 45 milyong mga base na pares na mga 1.5% ng genome at kinabibilangan ng mga 484 gene at 110 pseudogene. Ang mga 8% ng gene nito ay nasasangkot sa pag-unlad ng utak at tungkulin nito at ang mga 16% ay nasasangkot sa kanser. Ang walang katulad na katangian ng 8p ay isang malaking rehiyon ng mga 15 megabase na lumilitaw na may mataas na rate ng mutasyon at nagpapakita ng labis na diberhensiya sa pagitan ng tao at chimpanzee na nagmumungkahi na ang mataas na mga rate ng mutasyon nito ay nag-ambag sa ebolusyon ng utak ng tao. [1]
Ang pagtukoy sa mga gene sa bawat kromosoma ay isang aktibong sakop ng henetikong pagsasaliksik. Dahil sa ang mga mananaliksik ay gumagamit ng iba ibang pamamaraan upang hulaan ang bilang ng mga gene sa bawat kromosoma, ang tinantiyang bilang ng mga gene ay iba iba. Ang kromosomang 8 ay malamang na naglalaman sa pagitan ng 700 at 1,000 na mga gene.