Maritimong Timog-silangang Asya
From Wikipedia, the free encyclopedia
Binubuo ang Maritimong Timog-silangang Asya ng mga sumusunod na bansa: Brunei, Silangang Timor, Indonesia, Malaysia, Pilipinas at Singapore.[3] Tumutukoy rin ang "Silangang Kaindiyahan" mula sa ika-16 na siglo at "Kapuluang Malay" sa Maritimong Timog-silangang Asya.
Heograpiya | |
---|---|
Lokasyon | Kapuluang Indonesia Kapuluang Pilipinas Tangway ng Malaysia Silangang Malaysia Singapore |
Kabuuang pulo | 25,000 |
Pangkalahatang pulo | Borneo, Java, Luzon, Mindanao, New Guinea, Sulawesi, Sumatra |
Sukat | 2,870,000 km2 (1,108,000 mi kuw)[1] |
Pinakamataas na elebasyon | 4,884 m (16,024 tal) |
Pinakamataas na punto | Puncak Jaya |
Pinakamalaking paninirahan | Bandar Seri Begawan |
Pinakamalaking paninirahan | Dili |
Pinakamalaking paninirahan | Jakarta |
Pinakamalaking paninirahan | Kuala Lumpur |
Pinakamalaking paninirahan | Lungsod Quezon |
Pinakamalaking paninirahan | Singapore |
Demograpiya | |
Populasyon | 380,000,000 [2] |
Mga pangkat etniko | Pinangingibabawan ng mga Austronesyo, at mga minorya ng Negrito, Papues, Melanesyo, Tsino sa ibayong dagat, inapo ng Arabe, Eurasyano, Mestiso, Asli, at Indiyano sa ibayong dagat |
Sa Indonesia, ginagamit din ang pangalang "Nusantara" mula sa Lumang Habanes bilang singkahulugan ng Maritimong Timog-silangang Asya. Gayunman, makabansa at may pabagu-bagong hangganan ang terminong ito. Kadalasan, sumasaklaw lamang ito sa Tangway ng Malaysia, Kapuluang Sunda, Maluku, at kalimitang Kanluarang Bagong Ginea at hindi isinasali ang Pilipinas.[4]
Sa haba na ilang libong kilometro, tampok sa lugar ang malaking bilang ng mga pulo at nangangalandakan ang ilan sa pinakamayamang biodibersidad sa dagat, halaman at hayop sa mundo.
Ang pangunahing pagkakaiba sa demograpiko na nagbubukod ng Maritimong Timog-silangang Asya mula sa modernong Kalupaang Timog-silangang Asya ay ang populasyon, kung saan nangingibabaw ang mga Austronesyo. Naglalaman ang rehiyon ng ilan sa mga pinakaurbanisadong lugar ng mundo—Gran Jakarta, Gran Kuala Lumpur, Kalakhang Maynila, at Singapore—ngunit hindi pinagtitirahan ng mga tao ang karamihan ng mga pulo sa malawak na rehiyong ito.