San Roque
Kristiyanong santo, patron ng mga may sakit, salot, at mga manlalakbay / From Wikipedia, the free encyclopedia
Si San Roque (Ingles: Saint Roch o Rocco; namuhay noong mga 1348 – Agosto 15/16, 1376/79 (tradisyonal na mga 1295 – Agosto 16, 1327[2]) ay isang santong Katoliko, isang tagapagpaamin na ginugunita sa Agosto 16 ang kaniyang kamatayan at Setyembre 9 sa Italya; katangi-tanging sinusumamo siya hinggil sa salot. Maaring tawagin siyang Rock sa Ingles, at may katawagang siyang St Rollox sa Glasgow, Eskosya, na sinasabing isang pag-iiba ng St Roch's Loch, na tumukoy sa isang maliit na lawa (loch) na malapit dati sa isang kapilyang inilaan kay San Roque noong 1506.[3][4]
San Roque | |
---|---|
Tagapagpaamin | |
Ipinanganak | c. 1348 (trad. 1295) Montpellier, Kaharian ng Majorca |
Namatay | Agosto 15/16 1376/79 Voghera, Kondado ng Savoy (trad. 1327, Montpellier) |
Benerasyon sa | Simbahang Katolika Romana Komunyong Anglikano Iglesia Filipina Independiente |
Kanonisasyon | sa pamamagitan ng popular na matinding alab; idinagdag sa Roman Martyrology ni Papa Gregorio XIV |
Pangunahing dambana | San Rocco, Venice, Italya |
Kapistahan | Agosto 16 Agosto 17 (Ikatlong Orden ni San Francisco) |
Katangian | Sugat sa hita, asong naghahandog ng tinapay, Pilgrim's hat, Pilgrim's staff |
Patron | Sarmato, Altare at Girifalco, Italya. Nilalapitan hinggil sa: kolera, epidemya, suliranin sa tuhod, salot, mga sakit sa balat. Santo na patron ng: mga binata, bakang maysakit, aso, taong inakusahan nang may kabulaanan, imbalido, Istanbul, siruhano, gumagawa ng tisa,[1] sepulturero, mga merkader ng mga bagay na segunda-mano, peregrinahe, apotekaryo, Lungsod ng Cavite, Asturias, Cebu, Cordova, Cebu, Diyosesis ng Kalookan |
Siya ay pintakasi ng mga aso, baldado, taong inakusahan nang may kabulaanan, batsilyer, at ilan pang ibang mga bagay. Siya ay patrong santo ng mga komuna (lungsod) ng Dolo (malapit sa Venice) at Parma. Patron din siya ng mga komuna ng Casamassima, Cisterna di Latina at Palagiano sa Italya.[5]
Kilala si San Roque bilang "São Roque" sa Portuges. "San Roque" rin ang pangalan niya sa Kastila pati na rin sa maraming mga lugar na gumagamit na ngayon ng wikang Ingles.