Talaan ng mga lungsod sa Maine
From Wikipedia, the free encyclopedia
Ang Maine ay isang estado na matatagpuan sa Hilaga-Silangang Estados Unidos. Ayon sa 2010 United States Census, ito ang pansiyam na estado na may pinakakaunting tao sa bansa, na may 1,328,361 katao. Ito rin ang panlabing-dalawang pinakamaliit na estado batay sa lawak ng lupa na may kabuuang 30,842.92 milya kuwadrado (o 79,882.8 kilometro kuwadrado) ng lupa.[1] Nahahati ang Maine sa labing-anim (16) na kondado at mayroon itong 488 nainkorporadang munisipalidad na binubuo ng mga lungsod, bayan, at plantasyon.[2]
Nakatala lamang sa talaang ito ang mga munisipalidad na nainkorporada bilang mga lungsod. Dito ipinapakita ang mga populasyon ng mga lungsod ayon sa senso noong 2010, gayundin ang mga kondado kung saan matatagpuan ang mga ito. Ipinapakita rin ng talaan ang petsa ng pagkakainkorporada bilang lungsod. Kasalukuyang may dalawampu't-tatlong (23) lungsod ang Maine, kabilang ang kabisera nitong Augusta.