Valeriano Weyler
From Wikipedia, the free encyclopedia
Si Valeriano Weyler Nicolau, marqués de Tenerife (17 Setyembre, 1838 - 20 Oktubre, 1930) ay isang sundalong Kastila. Siya ang komandante sa Cuba na binansagang "Mangangatay" o "Tagakatay" dahil sa kaniyang mapaniil na mga patakaran. Pinabalik siya sa Europa noong 1897.[1]
Isinilang si Weyler sa Palma de Majorca noong 17 Setyembre, 1838 sa isang Kastilang ina at Alemang ama, na isang duktor na militar, at tumanggap ng edukasyon sa Granada, Espanya. Dating mga Prusyano ang kaniyang pamilya, at naglingkod sa hukbong-katihan ng mga Kastila sa loob ng maraming mga salinlahi. Pumasok siya sa kolehiyong militar sa gulang na labing-anim sa Toledo, Espanya at, nang maging tenyente, nagtuloy sa kolehiyong pangtauhan, kung saan nanguna siya sa klase. Naging kapitan siya dalawang taon ang makalipas, at ipinadala sa Cuba sa sarili niyang kahilingan.