Angkat

Ang angkat o import ay ang bansang tumatanggap ng isang luwas mula sa nagpadalang bansa.^[3] Ang pag-aangkat at pagluluwas ang mga itinuturing na transaksyong pinansiyal ng kalakalang internasyonal.^[4] Bahagi ang angkat ng kalakalang internasyonal na kinabibilangan ng pagbili at pagtanggap ng mga produkto o serbisyong ginawa sa ibang bansa.^[5] Tinatawag na tagaluwas o ekspotador ang nagbebenta ng mga naturang kalakal at serbisyo, habang kilala bilang taga-angkat o importador ang dayuhang mamimili.^[6]

Ang Geiger-cars, na nag-aangkat ng mga kotse mula sa Hilagang Amerika patungo sa Europa, ay tinatawag na taga-angkat.^[1][2]

Sa pandaigdigang kalakalan, nililimitahan ng mga kota sa pag-angkat at mga mandato ng awtoridad sa adwana ang pag-aangkat at pagluluwas ng mga kalakal.^[7] Maaaring magpataw ang mga hurisdiksiyong nag-aangkat at nagluluwas ng taripa (buwis) sa mga produkto.^[8] Bukod dito, napapailalim ang pag-aangkat at pagluluwas ng mga kalakal sa mga kasunduang pangkalakalan ng mga hurisdiksiyong nag-aangkat at nagluluwas.