Astronaut

Ang astronaut (katawagan sa Estados Unidos) o cosmonaut (katawagang Ruso) ay isang taong nagpupunta sa kalawakan. Sa Tsina, tinatagurian itong taikonaut, samantalang spationaute naman sa Pransiya. Sinanay ang mga astronaut, sa pamamagitan ng isang programang pangkalawakan, upang mamuno, magsilbing piloto, o bilang tauhan ng isang sasakyang pangkalawakan. Bagaman nakalaan lamang ang katawagan sa mga dalubhasang manlalakbay sa kalawakan, ginagamit din minsan ang taguri para sa sinumang naglalakbay sa kalawakan, kabilang na ang mga siyentipiko, politiko, tagapamahayag, at turista.^[1][2]

Isang astronaut.