Blaise Pascal

Si Blaise Pascal (1623 - 1662) ay isang Pranses na matematikong namatay ang ina noong tatlong taong gulang pa lamang siya. Itinuring si Pascal bilang isang batang may kahanga-hangang kakayahan at katalinuhan. Bagaman higit na kilala sa kanyang mga nagawa para sa larangan ng matematika, kabilang ang paglikha ng Tatsulok ni Pascal na pinangalanan mula sa kanyang apelyido, at maging sa mga kaunlaran sa larangan ng probabilidad, isa ring siyentipiko si Pascal. Sumulat siyang tinatangkilik ang paraang makaagham o metodong siyentipiko at nag-ambag rin sa larangan ng pisika. Sa paglaon, nagsulat siya ng dalawang mga aklat ukol sa Kristiyanismo.

Blaise Pascal
Kapanganakan	19 Hunyo 1623[1] Clermont Ferrand (Clermont Ferrand, Puy-de-Dôme, Auvergne-Rhône-Alpes, Metropolitanong Pransiya, Pransiya)
Kamatayan	19 Agosto 1662 Paris (Île-de-France, Metropolitanong Pransiya, Pransiya)
Trabaho	matematiko, pilosopo, teologo, pisiko, manunulat, estadistiko
Magulang	Étienne Pascal Antoinette Begon
Pamilya	Jacqueline Pascal, Gilberte Périer
Pirma

Ipinanganak si Pascal sa Clermont, Pransiya at namatay sa Paris, Pransiya sa gulang na 39. Namatay siya dahil sa isang malignanteng ulser sa tiyan.