Cherie Gil

Si Evangeline Rose Gil Eigenmann (pagbigkas sa Tagalog: [ˈhil ˈaɪɡɛnmɐn], Hunyo 21, 1963 – Agosto 5, 2022), mas kilala sa kanyang pangalang pang-entablado na Cherie Gil, ay isang artista mula sa Pilipinas. Naging artista siya sa telebisyon, pelikula at teatro simula pa noong nasa 9 na taon gulang siya. Pinakakilala siya sa kanyang pagganap bilang si Lavinia Arguelles sa Bituing Walang Ningning kung saan binitiw niya ang ikonikong linyang "You're nothing but a second-rate, trying hard copycat!" kay Diorina, ang karakter ni Sharon Cuneta.^[2] Pumanaw si Cherie Gil sa edad na 59 sa New York, Estados Unidos mula sa sakit na kanser.

Cherie Gil
Si Gil sa Berlinale 2016.
Kapanganakan	Evangeline Rose Gil Eigenmann 21 Hunyo 1963[1] Maynila, Pilipinas[1]
Kamatayan	5 Agosto 2022 (59 taong gulang) Lungsod ng New York, Estados Unidos
Trabaho	Artista
Aktibong taon	1970–2022
Tangkad	5 talampakan 7 in (1.7 m)
Asawa	Rony Rogoff (k. 1994–2008)
Anak	3
Magulang	Eddie Mesa Rosemarie Gil
Kamag-anak	Michael de Mesa (kapatid) Mark Gil (kapatid) Gabby Eigenmann (pamangkin) Sid Lucero (pamangkin) Geoff Eigenmann (pamangkin) Ryan Eigenmann (pamangkin) Andi Eigenmann (pamangkin) Max Eigenmann (pamangkin) Bianca Rogoff (anak) Raphael Rogoff (anak)

Pansariling buhay

Si Cherie Gil ay anak ng mga Pilipinong mang-aawit-aktor na sina Eddie Mesa at Rosemarie Gil, at kapatid ng kapwang artista na sina Michael de Mesa at Mark Gil. Dati siyang kasal kay Rony Rogoff, isang biyolinista; nagkaroon sila ng dalawang anak, sina, Bianca at Raphael.^[3] Ang panganay niyang anak na si Jeremiah David (Jay), ay anak niya sa aktor na si Leo Martinez.^[4]