Lansangang-bayang N402

Ang Pambansang Ruta Blg. 402 (National Route 402 o sa payak N402), na tinatawag ding Daang Noveleta–Naic–Tagaytay o Noveleta–Naic–Tagaytay Road) ay isa sa mga ruta ng sistema ng lansangang bayan sa Pilipinas.^[1] Dumadaan ito sa mga bayang rural ng Kabite.

Rutang 402
Daang Noveleta–Naic–Tagaytay (Noveleta–Naic–Tagaytay Road)
Impormasyon sa ruta
Pinangangasiwaan ng DPWH - Cavite 1st District Engineering Office and Cavite 2nd District Engineering Office
Pangunahing daanan
Mula sa	N64 (Lansangang Antero Soriano) sa Tanza
Hanggang	N410 (Lansangang Tagaytay–Nasugbu) sa Tagaytay
Lokasyon
Mga pangunahing lungsod	Tagaytay
Mga bayan	Tanza, Naic, Indang, Mendez
Sistema ng mga daan
Mga daanan sa Pilipinas Mga lansangan Mga mabilisang daanan Talaan ← N401 N403 →

Paglalarawan ng ruta

N402 bilang Daang Naic–Indang (itaas) at Daang Mendez–Tagaytay (ibaba).

Binubuo ang N402 ng mga sumusunod na bahagi.^[2][3]

Tanza papuntang Naic

Pangunahing artikulo: Lansangang Antero Soriano

Nagsisimula ang N402 sa sangandaan nito sa Lansangang Antero Soriano (N64) bilang Kalye Santa Cruz (Santa Cruz Street), isang pang-isahang-daan na kalyeng papunta sa poblasyon o kabayanan ng Tanza. Sa harap ng pasukan sa Dambana ng Diyosesis ng San Agustin, liliko ito patimog-kanluran bilang Kalye San Agustin (San Agustin Street). Magiging pandalawahang kalye ito paglagpas ng Rotondang Biwas pagkaraan ng Tulay ng Tanza. Tutumbok ito sa Lansangang Antero Soriano sa Tagpuang Tanza, at didiretso patungong Naic.^[4]

Naic papuntang Indang

Sa loob ng poblasyon ng Naic, liliko ang N402 patimog-kanluran patungong Kalye J. Poblete (J. Poblete Street; ilan sa mga bahagi nito ay kilala rin bilang Daang Sabang). Sa harap ng Simbahan ng Naic, liliko ito patimog-silangan bilang Kalye Kap. Ciriaco Nazareno (Capt. Ciriaco Nazareno Street). Babagtasin naman nito ang Daang Juanito Remulla Sr. (dating Daang Governor), at tutungo ito papuntang Indang bilang Daang Naic–Indang (Naic–Indang Road), isang isang makipot na daang may dalawang mga landas. Papasok naman ito sa poblasyon ng Indang, alternatibong bilang Kalye A. Mojica (A. Mojica Street). Tutuloy naman ito bilang Kalye De Ocampo (De Ocampo Street), Kalye San Miguel (San Miguel Street), at Kalye A. Mabini (A. Mabini Street), liliko patimog-silangan sa harap ng Simbahan ng Indang bilang Kalye San Gregorio (San Gregorio Street), at tutuloy bilang Karugtong ng San Gregorio (San Gregorio Extension).^[4]

Karugtong ng San Gregorio

Indang papuntang Mendez

Sa dulo ng Karugtong ng San Gregorio, tutumbukin ng ruta ang Daang Trece Martires–Indang at tutungo ito sa Mendez bilang Daang Indang–Mendez (Indang–Mendez Road). Malaking bahagi nito ay karamihang nakalatag ng aspalto habang kasalukuyang pinalalawak ang ibang mga bahagi kalakip ang kongkreto.

Papasok ito sa Mendez, kung saang kilala ito bilang Kalye C. Llamado (C. Llamado Street, pang-isahan at patimog), Kalye J.P. Rizal (J.P. Rizal Street, pang-isahan at pahilaga), ay Kalye Osorio (Osorio Street) bago magtapos sa panulukan ng mga Kalye J.P. Rizal at Osorio sa poblasyon ng Mendez.^[4]

Mendez papuntang Tagaytay

Sa panulukan ng mga Kalye J.P. Rizal at Osorio, didiretso ang daan patimog-silangan sa Tagaytay bilang Daang Mendez–Tagaytay (Mendez–Tagaytay Road). Sa huli, magtatapos ito sa Lansangang Tagaytay–Nasugbu sa Krosing ng Mendez, Tagaytay.

Mga daang sangay at daang pasikot-sikot

• Daang Panlihis ng Tanza (Tanza Diversion Road) - Tanza
• Kalye J. Dimabiling (J. Dimabiling Street) - Indang

Mga sangandaan

Kilometro sero sa Indang

Tulay ng Italaro sa bahaging Indang ng N402

Ang buong ruta matatagpuan sa Cavite. 

Lungsod/Bayan	km[5]	mi	Mga paroroonan	Mga nota
Naic			N405 (Daang Juanito Remulla Sr.) – Maragondon, Trece Martires, Tanza
	49.000	30.447	Palatansaang pangkatiyakan ng Rutang 402.
	57.000	35.418	Palatansaang pangkatiyakan ng Rutang 402.
Indang			N402 (Kalye J. Dimabiling) – Alfonso / Abenida ng Gusi Peace Prize International – Cavite State University
	65.000	40.389	Palatansaang pangkatiyakan ng Rutang 402.
	66.000	41.010	Kilometro Sero ng Indang.
			Daang Indang–Alfonso – Alfonso
			N404 (Daang Trece Martires–Indang) – Trece Martires, Maynila
Mendez	73.000	45.360	Palatansaang pangkatiyakan ng Rutang 402.
			Kalye Osorio / Kalye Llamado	Pang-isahang daanan na sangandaan.
	75.000	46.603	Kilometro sero ng Mendez
Tagaytay	76.321– 64.119	47.424– 39.842	Babalik ang pagbibilang ng kilometro.
	61.690	38.332	N410 (Lansangang Tagaytay–Nasugbu) – Batangas	Katimugang dulo.
1.000 mi = 1.609 km; 1.000 km = 0.621 mi       Hindi kumpletong access