Dominyo ng Satsuma

Ang Dominyo ng Satsuma (薩摩藩, Satsuma-han), na kilala rin bilang Dominyo ng Kagoshima (鹿児島藩, Kagoshima-han), ay isa sa mga dominyo (藩, han) ng bansang Hapon noong panahong Edo. Ito ay nakalugar sa mga lalawigan ng Satsuma at Ōsumi na parehong bumubuo sa kasalukuyang prepektura ng Kagoshima, at bahagi ng Hyūga na ngayon ay ang prepektura ng Miyazaki sa pulo ng Kyushu.^[1] Ang dominyong ito ay pinamunuan ng angkan ng Shimazu mula sa katapusan ng ika-12 siglo^[2] hanggang sa tinanggal ang sistemang han nang manumbalik ang Emperador Meiji sa pamumuno at palitan ito ng sistemang prepektura noong 1871.

Dominyo ng Satsuma
han, yūhan
Transkripsyong Hapones
• Kana	さつまはん (Satsuma han)
Eskudo de armas
Bansa	Hapon
Lokasyon	Satsuma Province, Saikaidō
Itinatag	1602
Binuwag	1871
Kabisera	Castle town of Kagoshima

Kilala ang dominyong ito sa naging papel nito bilang kalahati ng Alyansang Satchō (薩長同盟, Satchō dōmei), kasama ang Dominyo ng Chōshū (長州), na nanguna sa pagpabagsak sa Kasugunang Tokugawa sa Digmaang Boshin noong 1868.