Jimmy Wales

Si Jimmy Donal "Jimbo" Wales (ipinanganak noong Agosto 7, 1966 sa Huntsville, Alabama^[1][2]) ay isang Amerikanong negosyanteng pang-Internet na kilala sa kaniyang papel sa pagkakatatag ng Wikipedia^[3][4][5] at ibang mga kaugnay na proyektong pang-wiki, kabilang na ang pangkawang-gawang Wikimedia Foundation at ang pang-kalakal na Wikia, Inc.^[6]

Jimmy Wales
Si Jimmy Wales noong Setyembre 2015
Kapanganakan	Jimmy Donal Wales (1966-08-07) 7 Agosto 1966 (edad 59) Huntsville, Alabama, Estados Unidos
Nasyonalidad	Estados Unidos
Ibang pangalan	Jimbo
Trabaho	Pangulo ng Wikia, Inc. (2004–kasalukuyan) Pinuno ng Wikimedia Foundation (Hunyo 2003 – Oktubre 2006) Chairman Emeritus, Wikimedia Foundation (Oktubre 2006–kasalukuyan)
Website	www.jimmywales.com

Maagang Buhay at Edukasyon

Si Wales ay ipinanganak sa Huntsville, Alabama, kaunti bago maghatingabi noong Agosto 7, 1966; subalit, ang kanyang sertipiko ng kapanganakan ay naglilista ng kanyang petsa ng kapanganakan bilang Agosto 8.^[7] Ang kanyang ama, si Jimmy Sr.^[8], ay isang manager ng tindahan ng grocery, habang ang kanyang ina, si Doris Ann (née Dudley), at ang kanyang lola, si Erma, ay nagpapatakbo ng House of Learning^[9][10], isang maliit na pribadong paaralan sa tradisyon ng one-room schoolhouse, kung saan si Wales at ang kanyang tatlong kapatid ay tumanggap ng kanilang maagang edukasyon.^[10][11]