Kalusugang pang-isipan

Ang kalusugang pang-isipan ay naglalarawan ng isang antas ng kapakanan na pangsikolohiya, o ng isang kawalan ng isang diperensiyang pang-isipan.^[1][2] Magmula sa pananaw ng 'sikolohiyang positibo' o 'holismo', ang kalusugang pang-isipan ay maaaring magbilang ng kakayahan ng isang indibiduwal na masiyahan sa pamumuhay, at makalikha ng isang paninimbang o balanse sa pagitan ng mga gawaing pampamumuhay at ng pagpupunyaging makapagkamit ng resiliyensiyang pangsikolohiya.^[1] Ang kalusugang pang-isipan ay maaari ring bigyan ng kahulugan bilang isang pagpapahayag ng damdamin, at bilang nagpapahiwatig ng isang matagumpay na pakikibagay o pakikiangkop sa isang kasaklawan ng mga paghingi o paghiling.

Mayroong mga emosyonal na karamdaman na nakakaapekto sa mga gumagamit ng kapangyarihan sa alinman sa mga anyo nito, bukod sa kung saan namamalagi ang hubris syndrome, megalomania, hamartia o narcissism.

Binibigyang kahulugan ng Samahan ng Pandaigdigang Kalusugan ang kalusugang pang-isipan bilang isang katayuang pangkapakanan kung saan ang isang tao ay nakauunawa sa kaniyang sariling mga kakayahan, nakakaangkop sa karaniwang mga kabalisaan sa pamumuhay, nakakagawa nang marami at mabunga, at nakakapag-ambag sa kaniyang pamayanan."^[3] Dating nasabi na walang ni isang "opisyal" na kahulugan ng kalusugang pang-isipan. Ang mga kaibahang pangkultura, mga pagsisiyasat na pampaksa, at nagtatalu-talong mga teoriyang pamprupesyon ay nakakaapektong lahat sa kung paano binibigyan ng kahulugan ang "kalusugang pang-isipan".^[4] Mayroong iba't ibang mga uri ng mga suliraning pangkalusugang pang-isipan, na ang ilan sa mga ito ay pangkaraniwan, katulad ng depresyon at dipersensiyang pampag-aalala, at ang ilan ay hindi naman pangkaraniwan, katulad ng iskisoprenya at disordeng bipolar.^[5]

Sa pinaka kamakailan lamang, ang larangan ng Kalusugang Pang-isipan na Pangglobo ay lumitaw, na binigyan ng kahulugan bilang ang pook ng pag-aaraln, pananaliksik at pagsasagawa na naglalagay ng isang pagpapauna sa pagpapainam ng kalusugang pang-isipan at pagkakamit ng pagkamarapat ng kalusugang pang-isipan para sa lahat ng mga tao sa buong mundo.^[6]