Langis

Ang langis ay isang sustansiyang kimikal na nasa katayuang malapot na likido ("malangis") sa temperaturang pang-silid o mas mainit ng kaunti, at parehong hidropobiko (inmissible o hindi mahalo sa tubig) at lipopiliko (missible o nahahalo sa ibang mga langis, sa literal).^[1] Kabilang sa pangkalahatang kahulugan na ito ang mga kompuwestong uri na may ibang hindi kaugnay na mga kimikal na kayarian, katangian at gamit, kabilang ang langis ng gulay, petrokimikang mga langis, at pabagu-bagong mga mahahalagang langis. Hindi polar na sustansiya ang langis.

Sintetikong langis ng motor na binubuhos

Sa kolokyal na gamit, maaaring tumukoy din ang katawagang langis sa petrolyo.