Lantaka

Ang Lantaka ay isang uri ng baril na ginagamit sa Karagatang Timog Silangang Asya bago pa man dumating ang mga mananakop mula sa Europa^[1]. Ito ay sandatang inilululan sa mga bangka at sa mga tanggulan o kota^[2][3].

Nakalap na lantaka mula sa Pilipinas sa isang museong Europeo

Di lamang pandigma ang mga lantaka, kundi ginagamit din ang mga ito bilang salapi na ginagamit sa pangangalakal^[3].

Paglalarawan

Kadalasan itong yari sa tanso. Ang mga lantaka ay sari-sari sa haba, ngunit ang karaniwang haba ay nasa humigit-kumulang isang metro (~1m) o mga dalawang talampakan at isang bisig(~40in), habang ang butas naman ay may laking humigit-kumulang tatlong sentimetro (~3cm) o halos isang pulgada (~1in)^[4]. May lawit ito sa likuran na ginagamit bilang kabitan ng kahoy na hawakan nang sa maitutok sa kaaway^[3]. Kalimitan itong nilalagyan ng mga palamuti, na kahit ang karaniwang baril ay may mga palamuti^[4].