Look ng Balayan

Ang Look ng Balayan ay isang malaking look ng Pulo ng Luzon sa Pilipinas. Ito ay bahagi ng Verde Island Passage at ang buong baybayin nito ay nasa lalawigan ng Batangas. May lapad itong nasa 23 hanggang 28 kilometro (14 hanggang 17 milya). Ang Tangway ng Calatagan ang siyang naghibiwalay nito sa Dagat Timog Tsina sa kanluran, at taglay nito ang Tangos ng Santiago bilang pinakatimog na punto nito.^[1] Ang Tangway ng Calumpan ay bumubuo sa silangang panig ng look, na naghihiwalay nito sa Look ng Batangas.

Look ng Balayan
Look ng Balayan at Calatagan Peninsula (San Piro, Balayan, Batangas)
Lokasyon	Luzon, Pilipinas
Mga koordinado	13°50′N 120°47′E
Pinakalapad	28 km (17 mi)

Ang mga sumusunod na munisipalidad ay nakahanay sa look mula sa kanluran papuntang silangan: Calatagan, Balayan, Calaca, Lemery, Taal, San Luis, Bauan, at Mabini.

Look ng Balayan na tanaw mula sa Pantalan ng Anilao, bayan ng Mabini