Macario Sakay

Si Macario Sakay y de León (1870 – 13 Setyembre 1907) ay isang Pilipinong heneral na nakibahagi sa Himagsikang Pilipino noong 1896 laban sa Espanya at sa Digmaang Pilipino-Amerikano. Pagkatapos ihayag ang digmaan laban sa Estados Unidos noong 1902, ipinagpatuloy ni Sakay ang paglaban at ang sumunod na taon ay naging Pangulo ng Republikang Tagalog.^[1]

Macario Sakay
Macario Sakay (ikatlong nakaupo mula sa kaliwa) kasama ang kanyang mga gabinete with his Cabinet: (mga nakaupo mula kaliwa pakanan) Julián Montalan, Francisco Carreon, Sakay, Lucio de Vega (nakatayo mula kaliwa pakanan) León Villafuerte, Benito Natividad.
Pangulo ng Pilipinas (Hindi Opisyal) Republikang Tagalog
Nasa puwesto 6 Mayo 1902 – 14 Hulyo 1906
Pangalawang Pangulo	Francisco Carreón
Nakaraang sinundan	Miguel Malvar
Sinundan ni	Nabuwag ang posisyon ay sunod na hinawakan ni Manuel Quezon
Personal na detalye
Isinilang	1870 Tondo, Maynila, Pilipinas
Yumao	13 Setyembre 1907 (gulang 29 o 37) Maynila, Pilipinas
Partidong pampolitika	Katipunan Republika ng Katagalugan
Propesyon	Rebolusyunaryo

Pagkabata at Katipunan

Tinatayang ipinanganak si Sakay sa pagitan ng 1870 at 1878 sa Daang Tabora, Tondo.^[2] Unang nagtrabaho si Sakay bilang baguhagsikang Pilipino.^[2] Noong 1899, ipinagpatuloy niya ang pagsagupa para sa kalayaan ng Pilipinas laban sa Estados Unidos. Noong unang bahagi ng Digmaang Pilipino-Amerikano, nakulong siya dahil sa sedisyon o pagsusulsol laban sa pamahalaan, at kinalaunan ay pinalaya bilang bahagi ng amnestiya.^[3]

Pagkatapos ng digmaan

Isa si Sakay sa mga nagtatag ng Partido Nacionalista (walang kaugnayan sa kasalukuyang Nacionalista Party na naitatag noong 1907), na naglalayong makamtan ang kalayaan ng Pilipinas sa pamamagitan ng legal na pamamaraan. Umapela ang partido sa Philippine Commission, subalit ipinasa ng komisyon ang SedtionLaw, na nagbabawal sa lahat ng uri ng propaganda na nagtataguyod ng kalayaan.^[4][5] Dahil dito, muling lumaban si Sakay.^[2]