Mata ng tao

Ang mata ng tao (Ingles: human eye) ay isang organong tumutugon sa liwanag para sa ilang mga layunin. Bilang isang may kamalayang organong pandama, ang mata ng mamalya ay nagpapahintulot ng paningin (persepsiyong biswal). Ang mga selulang tungkod (rod cell sa Ingles) at balisuso sa loob ng retina ay nagpapahintulot ng namamalayang pagwari ng liwanag at paningin kabilang na ang kamalayan na mawari ang iba't ibang mga kulay at pagwari ng kalaliman. Ang matang pantao ay maaaring makamalas o makadama ng humigit-kumulang na 10 milyong mga kulay.^[1]

Katulad ng sa mga mata ng iba pang mga mamalya, ang mga selula ng gangliong potosensitibo ng mata ng tao sa loob ng retina ay tumatanggap ng mga balap o hudyat ng liwanag na nakakaapekto sa pagbabago ng sukat ng balintataw, regulasyon at supresyon o pagpigil ng hormonang melatonin at pagsasanay ng ritmong sirkadyano (orasan ng katawan).