PDP–Laban

Ang Partido Demokratiko Pilipino–Lakas ng Bayan, na dinadaglat na PDP–Laban, ay isang partidong politikal sa Pilipinas na itinatag ng mga grupong tutol sa nakaupóng Pangulong Ferdinand Marcos. Nabuô ito nang magsanib ang Partido Demokratiko Pilipino ni Aquilino Pimentel at Lakas ng Bayan ni Ninoy Aquino, mga lider ng oposisyon noong panahon ni Marcos. Mahalaga ang naging papel ng PDP–Laban sa pagsulong at dalhin nito ang kandidatura ni Corazon Aquino bílang Pangulo ng Pilipinas sa isinagawang dagliang halalan ng 1986, na naging hudyat ng pagbagsak ng rehimeng Marcos.

Partido Demokratiko Pilipino – Lakas ng Bayan
Tagapangulo	Rodrigo Duterte
Pangulo	Robin Padilla
Nagtatag	Aquilino Pimentel Jr. (PDP) Benigno Aquino Jr. (LABAN)
Punong-Kalihim	bakante
Itinatag	6 Pebrero 1983; 42 taon na'ng nakalipas (1983-02-06) (merger)[1] 6 Pebrero 1982 (PDP)[2] 1978 (LABAN)
Punong-tanggapan	Kalakhang Maynila
Palakuruan	Pederalismo, Demokratikong Sosyalismo
Opisyal na kulay	Dilaw, Bughaw, Pula
Logo

Muling sumabak ang PDP–Laban sa pampanguluhang halalan sa Pilipinas noong 2016 nang itaguyod nito ang kandidatura ni Rodrigo Duterte.

Kasaysayan

Lakas ng Bayan

Lakas ng Bayan
Pinuno	Benigno Aquino Jr. (1978-1983) Koko Pimentel (2024-)
Itinatag	1978
Sumanib sa	Partido Demokratiko Pilipino

Ang Lakas ng Bayan o Laban^[3] ay isang dating partidong politikal sa Pilipinas na itinatag bilang partido ng oposisyon laban sa administrasyon ni Pangulong Ferdinand Marcos. Noong 1986, umanib ito sa Partido Demokratiko Pilipino at naging Partido Demokratiko Pilipino–Lakas ng Bayan o PDP–Laban.

Alitan sa PDP–Laban ng 2021

Rodrigo Duterte

Alfonso Cusi

Manny Pacquiao

Koko Pimentel

Ang alitan sa pagitan ng dalawang paksyon sa loob ng naghaharing PDP–Laban na pinangunahan nina Pangulong Rodrigo Duterte at Senador Manny Pacquiao – na pawang kabilang sa iisang partido kung saan si Duterte ang chairman ng partido at si Pacquiao ang naging pangulo ng partido mula Disyembre 2020 hanggang Hulyo 2021. Nagsimula ang alita nang itinalaga si Pacquiao bilang pangulo ng partido kasunod ng pagbibitiw ni Senador Koko Pimentel sa kanyang tungkulin noong Disyembre 2020.^[4]

Ang pangunahing yugto ng pagtatalo ay nagsimula noong Mayo 3, 2021, nang punahin ni Pacquiao si Duterte hinggil sa hidwaan sa South China Sea. Noong huling bahagi ng Hunyo 2021, naglunsad si Pacquiao ng kanyang sariling pagsisiyasat tungkol sa sinasabing katiwalian sa mga ahensya ng gobyerno sa ilalim ng administrasyong Duterte. Bilang tugon, tinawag ni Duterte na "punch-drunk" si Pacquiao.^[5][6] Noong Hulyo 17, ginanap ang isang pambansang pagpupulong kung saan nahalal si Alfonso Cusi bilang pangulo ng partido. Ang pagpupulong ay hindi kinilala nina Pimentel at Pacquiao.^[7]

Bago ang alitan, sina Duterte at Pacquiao ay matagal nang kapanalig dahil pareho silang nasa ilalim ng nasabing naghaharing partido.^[8]