Paliparang Pandaigdig ng Iloilo

Ang Paliparang Pandaigdig ng Iloilo (Hiligaynon: Pangkalibutan nga Hulugpaan sang Iloilo) IATA: ILO, ICAO: RPVI, tinaguriang Hiligaynon Airport, ay isang paliparang pandaigdig na naglingkod sa pangkalahatang kalakhan ng Lungsod ng Iloilo, ang kabisera ng lalawigan ng Iloilo sa Pilipinas at ang sentrong panrehiyon ng Kanlurang Kabisayaan, o Rehiyon VI. Ang paliparan ay isang kahalili para sa lumang Paliparan ng Mandurriao na nasa poblasyon ng Lungsod ng Iloilo at bumukas ito noong 14 Hunyo 2007. Dahil sa pagsara ng Paliparan ng Mandurriao, minana ng Paliparang Pandaigdig ng Iloilo ang mga kodigong pampaliparang IATA at ICAO nito.

Paliparang Pandaigdig ng Iloilo Pangkalibutan nga Hulugpaan sang Iloilo
IATA: ILO ICAO: RPVI
Buod
Uri ng paliparan	Publiko
Nagpapatakbo	Pangasiwaan ng Abyasyon Sibil ng Pilipinas
Pinagsisilbihan	Lungsod ng Iloilo
Lokasyon	Cabatuan at Santa Barbara, Iloilo
Nagbukas	14 Hunyo 2007; 18 taon na'ng nakalipas (2007-06-14)
Sentro para sa	Cebu Pacific
Elebasyon AMSL	51 m / 168 tal
Mga koordinado	10°49′56.7″N 122°29′35.2″E
Mga patakbuhan
Direksyon Haba Ibabaw m tal 02/20 2,500 8,203 Aspalto
Estadistika (2009)
Mga pasahero 1,324,148 Mga kilos ng eroplano 16,880 Toneladang metriko ng kargamento 9,330
Mga estadistika mula sa Pangasiwaan ng Abyasyon Sibil ng Pilipinas.[1]

Nakalapag ang paliparan labinsiyam na kilometrong hilagang-kanluran ng Lungsod ng Iloilo sa isang dakong may kalakihan ng 188 ektarya sa pagitan ng mga bayan ng Cabatuan at Santa Barbara, kung saan ang pangunahing pasukan at daang pang-abot ng paliparan ay nasa Santa Barbara at ang iba pang bahagi ng imprastruktura ng paliparan ay nasa Cabatuan. Ito ay isa sa tatlong paliparang pandaigdig sa Kabisayaan, kasama ng Paliparang Pandaigdig ng Mactan-Cebu sa Lungsod ng Cebu at ang paliparan ng Bacolod-Silay sa Lungsod ng Bacolod, ang unang paliparang pandaigdig sa Kanlurang Kabisayaan, at ang unang paliparang pandaigdig na itinayo sa pulo ng Panay.

Mga kompanyang panghimpapawid

Ang mga sumusunod na kompanyang himpapawid ay naglilingkod sa Paliparang Pandaigdig ng Iloilo::

• Airphil Express (Cagayan de Oro, Cebu, Dabaw)
• Cebu Pacific (Cagayan de Oro, Cebu, Dabaw, Heneral Santos, Hong Kong, Maynila, Puerto Princesa, Singgapur, Tacloban)
• Philippine Airlines (Heneral Santos, Maynila)
• South East Asian Airlines (Maynila)
• Zest Airways (Maynila)

Tingnan din

• Tala ng mga paliparan sa Pilipinas