Pawikan

Ang pawikan (Ingles: sea turtle) ay isang uri ng malaking pagong o galapagong may mga palikpik imbis na paa. Karaniwang nabubuhay ito sa dagat.^[1] Kabilang ito sa superpamilyang Chelonioidea at Dermochelyidae. Ang mga ito ay reptilyang pandagat na naninirahan sa lahat ng mga karagatan ng mundo maliban sa Karagatang Artiko.

Pawikan
Katayuan ng pagpapanatili
Nanganganib  (IUCN 3.1)
Klasipikasyong pang-agham
Dominyo:	Eukaryota
Kaharian:	Animalia
Kalapian:	Chordata
Hati:	Reptilia
Orden:	Testudines
Suborden:	Cryptodira
Klado:	Panchelonioidea
Superpamilya:	Chelonioidea Bauer, 1893
Pamilya
Pamilyang Cheloniidae (Oppel, 1811) Caretta Chelonia Eretmochelys Lepidochelys Natator Pamilyang Dermochelyidae Dermochelys Pamilyang Protostegidae (hindi na umiiral) Pamilyang Toxochelyidae (hindi na umiiral) Pamilyang Thalassemyidae (hindi na umiiral)

Pagkakamudmod

Ang superpamilyang Chelonioidea ay mayroong Distribusyon na pangbuong mundo; ang mga pagong na pandagat ay maaaring matagpuan sa lahat ng mga karagatan maliban sa mga rehiyong polar. Ilan sa mga espesye ang naglalakbay sa pagitan ng mga karagatang ito. Ang pawikang sapad ang likod ay makikita lamang sa hilagang baybayin ng Australia.