Puerto Rico

Ang Puerto Rico, o Komonwelt ng Puerto Rico (Ingles: Puerto Rico, bigkas: /ˌpwɛrtə ˈriːkoʊ/ o /ˌpɔrtə ˈriːkoʊ/, opisyal na Commonwealth of Puerto Rico (Espanyol: Estado Libre Asociado de Puerto Rico, literal na Kasaping (Asosyadong) Malayang Estado ng Puerto Rico, Ingles: Associated Free State of Puerto Rico), ay isang awtonomo o namamahala ng sarili na di-inkorporadong teritoryo ng Estados Unidos (hindi pa isang estado ng bansang Amerika) na matatagpuan sa hilagang-katimugang Caribe, sa silangan ng Republikang Dominikano at sa kanluran ng Mga Kapuluang Birhen Binubuo ito ng isang kapuluan o arkipelagong kinabibilangan ng pangunahing pulo ng Puerto Ricoat at isang bilang ng mas maliliit na mga kapuluan at mga Cay, na ang Vieques, Culebra, at Mona ang pinakamalalaki. Ang pangunahing pulong Puerto Ricoang pinakamaliit sa area ng mga lupain at pangalawang maliit sa bilang ng populasyon mula sa apat na Kalakhang Antiles (Kuba, Hispaniola, Hamayka, at Puerto Rico).

Estado Libre Asociado de Puerto Rico Commonwealth of Puerto Rico Komonwelt ng Puerto Rico
Watawat
Salawikain: Latin: Joannes Est Nomen Eius; Spanish: Juan es su nombre (Tagalog: "Juan ang pangalan niya")
Awiting Pambansa: La Borinqueña
Kabisera at pinakamalaking lungsod	San Juan
Wikang opisyal	Kastila at Ingles
Pamahalaan	Commonwealth
• Gobernador	Pedro Pierluisi
Kalayaan  wala(U.S. territory with Komonwelt estado)
Lawak
• Kabuuan	9,104 km2 (3,515 sq mi) (169th)
• Katubigan (%)	1.6
Populasyon
• Pagtataya sa July 2005	3,912,055 (126th)
• Senso ng 2005	3,913,054
• Densidad	434/km2 (1,124.1/sq mi) (21st)
KDP (PLP)	Pagtataya sa 2005
• Kabuuan	$72.37 billion (68th)
• Bawat kapita	$18,500 (N/A)
Salapi	United States dollar (USD)
Sona ng oras	UTC-4 (AST)
• Tag-init (DST)	UTC-4 (No DST)
Kodigong pantelepono	1-787 and +1-939
Kodigo sa ISO 3166	PR
Internet TLD	.pr; .us

Karaniwang tinatawag ng mga Portorikenyo (nagiging Portorikenya kung mga kababaihan lamang) ang pulo ng Portoriko bilang Borinquen, mula sa Borikén, ang pangalan nito sa katutubong wikang Taíno.^[1][2] Hinango sa Borikén at Borinquen ang mga salitang boricua at borincano, ayon sa pagkakasunud-sunod, at karaniwang ginagamit upang kilalanin ang isang nagmula sa liping Portorikenyo. Tanyag ding tinatawag ang pulo bilang "La Isla del Encanto", na nangangahulugang "Ang Pulo ng Engkanto."