Pamumuo ng supling bago iluwal

Ang pamumuo ng supling bago iluwal (Ingles: prenatal development, pamumuo ng supling bago ito isilang bilang ganap na sanggol) ay ang progreso ng pamumuo ng bilig (embryo) o ng fetus (supling^[1]) sa kapanahunan ng pagdadalangtao, mula pertilisasyon hanggang sa pagluluwal ng sanggol. Ito ang pinagaaralan sa larangan ng embriyolohiya.

Larawan ng bilig na may 6 na linggong gulang, o 4 na linggo matapos ang pertilisasyon.

Tungkol ito sa pamumuo ng supling bago iluwal ng tao, para sa mga hayop tingnan ang pamumuo ng supling bago iluwal (hindi-tao).

Naguumpisa ang embriyohenesis^[2][3] pagkatapos ng pertilisasyon. Sa tao, kapag nagwakas na ang embriyohenesis – sa bandang katapusan ng ika-10 linggo ng edad ng pagkabuntis – nalikha na ang mga pinag-ugatan (o mga prekursor^[4][5]) ng lahat ng mga pangunahing organo ng katawan. Samakatuwid, kapwa nilalarawan ang mga susunod na panahon ng pamumuo – ang panahon ng fetus (supling^[1][5]) - sa pamamagitan ng pagtalakay ng paksa, sa isang paraan; at sa isang banda naman, ang paglalarawan ng mahigpit na pagkakasunud-sunod ng mga nagaganap na pagbabago sa pamumuo ng supling. Sa huling paraan, itinatala ang mga mahahalagang kaganapan ayon sa mga linggo ng edad ng pagkabuntis.