Pulo ng Babuyan

Tungkol sa pulo sa Cagayan ang artikulo na ito. Para sa pangkat ng kapuluan, tingnan ang Kapuluang Babuyan.

Ang Pulo ng Babuyan (tinatawag minsan bilang Babuyan Claro) ay ang pinakamataas at pinakahilagang pulo sa Kapuluang Babuyan sa Kipot ng Luzon sa hilaga ng Pulo ng Luzon sa Pilipinas at diretsong timog din ng Taiwan sa pamamagitan ng Bambang ng Bashi tungo sa Kipot ng Luzon. Binubuo ng buong pulo ang barangay ng Babuyan Claro, na kabilang sa bayan ng Calayan sa lalawigan ng Cagayan. May populasyon ang mabulkan na pulo na 1,910 ayon sa senso ng 2020, na tumaas mula 1,423 noong 2010.^[3]

Pulo ng Babuyan Island

Bulkang Smith sa harapan kasama ang Bulkang Babuyan Claro (likuran), ang dalawang aktibong mga bulkan sa Pulo ng Babuyan
Pulo ng Babuyan Island Lokasyon sa loob ng Pilipinas
Heograpiya
Mga koordinado	19°31′20″N 121°57′13″E
Arkipelago	Kapuluang Babuyan
Katabing anyong tubig	Bambang ng Balintang Kipot ng Luzon
Sukat	100 km2 (40 mi kuw)[1]
Haba	8 mi (13 km)
Lapad	6 mi (10 km)
Pinakamataas na elebasyon	1,064 m (3,491 tal)[2]
Pinakamataas na punto	Babuyan Claro
Pamamahala
Pilipinas
Rehiyon	Lambak ng Cagayan
Lalawigan	Cagayan
Bayan	Calayan
Barangay	Babuyan Claro
Demograpiya
Populasyon	1,910 (2020)
Densidad ng pop.	19.1 /km2 (49.5 /mi kuw)

Kasaysayan

Inuuri minsan ang wika ng Pulo ng Babuyan bilang diyalekto ng Ibatan. Tinanggal ang panirahan ng Babuyan ng mga Kastila at muli lamang nagkaroon ng populasyon noong katapusan ng ika-19 na dantaon na may mga pamilya mula sa Pulo ng Batan, na karamihan sa kanila ay tagapagsalita ng isa sa mga diyalekto ng Ibatan.^[4]