Qingdao

Nakaturo ang "Tsingtao" dito. Para sa pagawaan ng serbesa, tingnan ang Serbeseria ng Tsingtao.

Ang Qingdao ([t͡ɕʰíŋtɑ̀ʊ̯]; na binabaybay rin bilang Tsingtao; Tsino: 青岛) ay isang pangunahing lungsod sa silangang bahagi ng lalawigan ng Shandong sa baybaying-dagat ng Dagat Dilaw sa silangang Tsina. Isa rin itong pangunahing sentrong lungsod ng Inisyatibong One Belt, One Road (OBOR) na nag-uugnay ng Asya sa Europa.^[2] Sa lahat ng mga lungsod sa lalawigan ito ay may pinakamataas na GDP. Pinangangasiwaan ito sa antas na sub-probinsiyal,^[3] mayroon itong kapangyarihan sa anim na mga distrito at apat na mga antas-kondado na lungsod. Magmula noong 2014^[update] , mayroong 9,046,200 katao ang Qingdao, kasama ang populasyong urbano na 6,188,100.^[4] Ito ay nasa Tangway ng Shandong at nakatanaw ito sa Dagat Dilaw. Hinahangganan ito ng Yantai sa hilagang-silangan, Weifang sa kanluran, at Rizhao sa timog-kanluran.

Qingdao 青岛市 Tsingtao
Antas-prepektura at Sub-probinsiyal na lungsod
Mula taas, kaliwa-pakanan: Panoramang urbano ng Qingdao, Liwasang Ika-4 na Mayo, Katedral ng San Miguel, Serbeseria ng Tsingtao, Serbesang Tsingtao, Tanawing panghimpapawid ng Qingdao
Kinaroroonan ng Lungsod ng Qingdao (nakapula) sa silangang baybaying-dagat ng Tsina
Qingdao Kinaroroonan ng pamahalaang munisipal Show map of Qingdao Qingdao Qingdao (Shandong) Show map of Shandong
Mga koordinado (Pamahalaang munisipal ng Qingdao): 36°04′01″N 120°22′58″E
Bansa	Tsina
Lalawigan	Shandong
Pinaupa sa Alemanya	Marso 6, 1898
Pananakop ng Hapon	Nobyembre 7, 1914
Pagbabalik sa Tsina	Disyembre 10 1922
Muling Pananakop ng Hapon	Enero 10 1938
Muling Pagbabalik sa Tsina	Agosto 15, 1945
Sentro ng munisipyo	Shinan District
Pamahalaan
• Kalihim ng CPC	Zhang Jiangting
• Alkalde	Meng Fanli
Lawak
• Antas-prepektura at Sub-probinsiyal na lungsod	11,067 km2 (4,273 milya kuwadrado)
• Lupa	11,067 km2 (4,273 milya kuwadrado)
• Urban  (2018)[1]	1,632 km2 (630 milya kuwadrado)
• Metro	5,019 km2 (1,938 milya kuwadrado)
Populasyon  (2014)
• Antas-prepektura at Sub-probinsiyal na lungsod	9,046,200
• Kapal	820/km2 (2,100/milya kuwadrado)
• Urban  (2018)[1]	5,930,000
• Densidad sa urban	3,600/km2 (9,400/milya kuwadrado)
Sona ng oras	UTC+8 (Pamantayang Tsina)
Kodigong postal	266000
Kodigo ng lugar	0532
Kodigo ng ISO 3166	CN-SD-02
GDP	¥ 1200.152 bilyon
GDP kada tao	¥ 127,745(2018)
Unlapi ng Plaka ng Sasakyan	鲁B & 鲁U
Baybaying-dagat	862.64 km (536.02 mi) (kasama ang mga pulo palayo ng pampang) 730.64 km (454.00 mi) (hindi kasama ang mga pulo)
Pangunahing mga kabansaan	Han: 99.86%
Mga dibisyong antas-kondado	10
Websayt	www.qingdao.gov.cn

Qingdao
Kamalian ng Lua na sa Module:Infobox_multi-lingual_name na nasa linyang 127: attempt to call field '_transl' (a nil value).

Isang pangunahing pantalang pandagat, baseng pandagat, at sentrong pang-industriya ang Qingdao. Ang pinakamahabang pandagat na tulay sa mundo, ang Tulay ng Look ng Jiaozhou, ay nag-uugnay ng pangunahing pook urbano ng Qingdao sa distrito ng Huangdao na nakasaklang sa mga pandagat na lugar ng Look ng Jiaozhou.^[5] Kinaroroonan din ito ng Serbeseria ng Tsingtao, ang pangalawang pinakamalaking serbeseria sa Tsina.^[6]

Noong 2018, nasa ika-31 puwesto ang Qingdao sa Global Financial Centres Index na inilathala ng Pangkat ng Z/Yen at ng Surian sa Pagpapaunlad ng Tsina, ang ibang mga Tsinong lungsod sa talaan ay Hong Kong, Shanghai, Beijing, Shenzhen, Guangzhou, Tianjin, Chengdu, Hangzhou at Dalian.^[7] Noong 2007, pinangalanan ang Qingdao bilang isa sa sampung pangunahing mga lungsod ng Tsina ng Chinese Cities Brand Value Report, na inilabas noong 2007 Beijing Summit of China Cities Forum.^[8] Noong 2009, pinangalanan ang Qingdao bilang pinakanatitirahang lungsod ng Chinese Institute of City Competitiveness.^[9][10] Idinaos sa Qingdao noong 2018 ang isang pagpupulong ng mga pinuno ng Shanghai Cooperation Organization.^[11]

Ibang mga pangalan

• Jiāo'ào: (胶澳): dating pangalan noong dinastiyang Qing.
• Qindao: (琴岛, literal na "Stringed Instrument Isle"): karagdagang makabagong pangalan para sa lugar, at tumutukoy ito sa hugis ng baybaying-dagat ayon sa mga naninirahan doon.
• Tsingtao: romanisasyong Postal
• Tsingtau: pangalang Aleman noong panahon ng kanilang konsesyon o paghawak ng lungsod (1898–1914), at nakasulat sa romanisasyong Aleman ng Tsino (Lessing-Othmer).
• Jiaozhou: isang makasaysayang pangalan na tumutukoy sa Look ng Jiaozhou.
• Kiaochow, Kiauchau, Kiautschou: mga romanisasyon ng Jiaozhou.